31 dic. 2011

Rematando o ano con ilusión

Hoxe tiven a sorte de comparti-lo remate de 2011 coa xente de TROTADAS e outras compañas vidas dende lonxe... nin a distancia nin o tempo importa, importa a ilusión e os proxectos para o ano que, en nada se inicia.

Foto por cortesia de Trotadas de Valdeorras

30 dic. 2011

A penúltima

Non me gusta dicir que unha ocasión é a derradeira...

Hoxe foi a penúltima sesión de 2011... non foi mal ano neste aspecto aínda que a lesión de Marzo a fun arrastrando ata ben entrado Outubro pero hei de recoñecelo, fun eu quen o buscou por non descansar tra-la maratón.

Kilometros rexistrados no SportyPal de carreira a pé no 2011

Hoxe suaviño 1h 6' 14.5 km con boa media e sorpresas agradables no camiño.

27 dic. 2011

Auga apresurada...

Sego coa "aterraxe controlada" hoxe 150 + 1000 de auga... de menos a mais sen forzar concentrado en respirar e poder ver entre as bágoas.

26 dic. 2011

Entre a cintillada

Madrugada dun frío día de néboa... Tª -4Cº ... o xeo que frota fantasmalmente e se deposita en cada folla, rama e obxeto da vía pública forma como unha película de luz en cada borde... hai unha claridade desacougante e o trazo de luz do frontal faime incómodo ve-lo camiño... a cintillada (seica así se chama por eiquí á néboa xeada) évos un espectáculo si non se está a pasar frio.

A min tocoume hoxe pasala correndo camiño do curro... 9.5 km en 44' non foi bó tempo pero sentinme ben e, que carafio, non estou a preparar nada así que é só por non perde-la forma.

25 dic. 2011

Facendo sitio e disfrutando

Hoxe saín trotar apenas media hora pola alameda compostelá na compaña do meu sobriño maior... foi unha gozada, en Compostela ia un día radiante e eu sentínme moi feliz de ir alí a correr tan ben acompañado. Non activei o SportyPal pois era un día de vacacions e só saimos a facerlle sitio ó xantar tras unha cea opipara.

23 dic. 2011

Auga de inverno

Entrou o solsticio de inverno e sego facendo a "parada ordenada" sen atrancos...

150 + 1100

21 dic. 2011

Aterraxe suave

Cando as vacas engordaban nos andamios das obras había quen falabamos de preparar unha aterraxe suave da economía... aquelo non saiu ben, pero eu sego aplicando o mesmo principio así que estes días ata finais de xaneiro toca ir calmando e alixeirando; face-lo xusto para non porse como unha bola.

Hoxe 11.7 km en 55' Dempois de todo teño a sorte de facelo así porque me peta e non porque unha lesión me obrigue.

19 dic. 2011

Nadando ó quente

Uns longos para recupera-las pernas e a calor.

150 + 1100

18 dic. 2011

Rachando a muralla de néboa

Bueno, outra Lugo Monumental para o bote este ano co troco de circuito e o tema do xeonllo este que fai de galego (non sei si vai ou ven) non sabía como ía a saír a cousa pero non me queixo nada; só fun 2" mais lento por km que a pasada edición.

Fixen un quencemento lixeiro e logo fun rematalo na zona de saída, como me tocou caixón laranxa quixen aproveitalo e metinme pronto pero non me fixo falta camiseta de tirar pois malía á néboa o frio non era tanto como pensara. Saín algo atolondrado porque o mobil tardou en coller-la saída pero non perdín o tempo; pasei a marca do 1º km en 3'48" (cousa que non fago dende vai 1 ano polo menos) eso animoume a seguir apretandome o que puidese e fun tirando sen desesperar sempre por baixo dos 4'/km ata a marca do km 6 (23' 58") logo tentei conservarme para a muralla e non me saiu mal pois é o único verdadeiramente comparable coas pasadas edicions e saiume en 2" mais (9'50" este ano e 9'48" o pasado) e iso que ó principio me notei moi canso.

O posto foi bó (30 mellor que o ano pasado) supoño que niso se notou que había outras 3 probas moi boas ( MM Adolfo-Ros, Boiro e San Cibrao) e non me manquei polo que esta tempada remato o 1º tercio do circuito cáseque cos mesmos puntos que a pasada edición e tamén coas mesmas esperanzas de permanencia.

O sportypal vale para mira-los ritmos de carreira (salvo nas curvas pechadas) o tempo oficial foi de 39'57"

15 dic. 2011

Decidindo

Hoxe rodaxe sereo sen prisas probando a pisada e ese xeonllo que tanto me porcula.

13.6 km en 1h 3'  Apretando ó final sobre o cemento da zona do estadio; algunha pisada na herba me mancou pero penso que nada grave; o domingo Lugo a polos 45' e uns puntiños que virán ben para tenta-la permanencia.

14 dic. 2011

12 dic. 2011

Auga branca

Hoxe á hora que chega a marea branca a Ponfe vou nadar...

150 + 1000 o xeonllo aínda quere molestar algo... tereime que pensar o de correr mañan.

11 dic. 2011

Desenferruxamento

Chego da xira da fin de semana cunha apreixón no peito... na alma que me asolaga... teño que botar a correr.

12 km 55' ó principio o xeonllo aínda quixo xogar, logo pasoulle e fun ben, relaxeime e sen apretarme saiume un adestramento normal no físico e moi necesario no mental.

9 dic. 2011

Nadando entre os recados

Sempre digo que esta teima de adestrar consegue que saque unha capacidade de adaptación que non tiña así que cáseque calquer circunstancia me serve para aproveitar. Hoxe os recados desta tarde de "Rodriguez" foronme bárbaros para facer unha boa sesión de piscina.

150+1000+ 4 x 100

8 dic. 2011

Cortando a neboa

Pois as cousas hai que tomalas coma veñen... Non me mancou nada correndo nin estirando pero antonte algo me fixen no xeonllo esquerdo que me molesta bastante sobor de todo ó porme en pé. Por riba onte non puiden ir nadar porque tiña un compromiso cinematografico familiar pero hoxe desquiteime; collín a roupa de abrigo do Lidl (qué boa é) e me botei á estrada entre unha mesta néboa.

40 km en 1h 24'  o que non está mal para levar 1 mes sen dar pedal.

6 dic. 2011

Rodaxe desconcertada

Hoxe o Sporty pal toleou de todo..

Fixen 1h 21' 30" pero no sei si me podo fiar dos 17.8 km seguro que foron menos; o que importa, as sensacions, boas malia ó frío.

5 dic. 2011

Agua fría solitaria

Que cousa mais boa o futbol¡¡¡

Toda a piscina para min

150 + 1300

4 dic. 2011

Matutino estrano

Hoxe sigo coa sensación de non sei ben qué hei facer i é que así non vou a gusto moito tempo... pero é o que hai.
De feito a primeira parte do camiño fun pensando en cousas e cun ritmo baixo.

9.5 km 43'50"

3 dic. 2011

Atenazado

Estou atenazado polas dúbidas e non acabo de saber qué programa vou seguir...

Hoxe nadei o que onte non puiden por boas razons.

100 + 1300

Teño que definir si vou intentar en serio a permanencia en 1ª do circuito porque ata o de agora non mo plantexara pero en vista de que fun a 4 no canto de 2 probas e que non me levo mancado... todo pode ser. E si así é teño que definir si vou a Ferrol ou a Lugo e, sobor de todo, si a 10ª maraton a vou facer en Coruña o 15/4 porque o de Barcelona xa está descartado (en 2012 no 13 xa se verá) e París semella pechado xa.

En fin, mañan estou "invitado" e a seman que ven vai ser rariña o xoves decidirei si Lugo ou Ferrol e logo xa se verá.

1 dic. 2011

Nadando contra min

Hoxe non me apetecía nada... mais fun; a verdade é que estou mais orgulloso de querer que do facer.

100 + 1000

30 nov. 2011

Rodaxe reconstructivo

Hoxe tocou unha rodaxe que pensei que sería mais lenta pero, a verdade saíu moi ben e doada...

14.1 km en 1h 05'

28 nov. 2011

Recuperando coa serea

Hoxe fumos nadar outra vez xuntos... notei o esforzo de onte pero creo que o que fixen me beneficiou.

150 + 1300

27 nov. 2011

Outra volta Betanzos e van..

4.

Hoxe voltei a Betanzos coa teima de tentar face-lo mesmo tempo que en Pontevedra nun cicuito moito mais duro que coñezo bastante ben.
Moito ambiente na saída nunha mañan soleada na que o frio se dispersou de seguida e estivemos en boa compaña charlando sobre os temas do circuito e das carreiras en xeral.
Saín un pouco lanzado de mais pero fun quen de conterme e moderar a un paso que non me desgastase moito nese principio de carreira. Subindo a costa das Angustias semelloume topa-lo ritmo cun grupo pero ian a tirons pensando non sei ben en qué porque non querían escoitar falar das costas; no pazo de Mariñan vinme ben e tentei manterme por baixo dos 4:25 polo menos ata cruzar Pedrido, as pernas respostaban ben e os animos tamén.
Cruzada a ponte o repeito pilloume con azos e collín a outra xente que me permitiu ir a un ritmo mais constante ata o km 16 ahí as pernas xa fallaron algo, pero a baixada levoume a bó ritmo ata a vila... logo veu o baixón; dende o km 18 perdín 14 postos pero é que os cuadriceps deixaron de funcionar... ata o derradeiro kilometro que me botei ó berro "!puntos, quero puntos¡" e apreteime para entrar en meta no posto 130 de 412 cun tempo de 1 h  31' 49"
Foi outra boa experiencia nesta carreira que a piques estivo de desaparecer pero que voltou a se celebrar gracias ó esforoz dunha xente xenerosa e honesta.

Este é, ata o de agora o meu historial nesta proba:

2010 1 h 37' 28"
2005 1 h 24' 45"
2004 1 h 25' 40"

24 nov. 2011

Listo para Betanzos...

Ou non.

Bueno, hoxe a tirada mais longa... Si, está mal planificado porque non é para Betanzos que estou a traballar; aínda non decidín cal vai se-la 10ª maratón... e adícome a coller fondo sen mancarme.

17.6 km 1h 20'

23 nov. 2011

Nadando coa serea

Hoxe fun nadar coa moza... e prestoume.

100 + 1100 + 4 x 100

22 nov. 2011

Factor sidrina

A verdade é que non me explico esta melloría salvo pola inxesta dese zume de mazá alcoholizado. O iso ou o bailoteo... que todo puido ser.

13.3 km 57'31"

21 nov. 2011

Dándolle voltas a 25

100 + 1000

25... verbas, metros, porcentaxes... voltas e voltas... Qué nos ha de pasar?

20 nov. 2011

Correndo co voto

Foi chegar e sair a correr, boas sensacions e mellores resultados sobre todo si os comparo coa derradeira vez que fixen esta ruta (19/6)

12.8 km 57'

18 nov. 2011

Despedida con sabor a mar

Outra volta comprobei o grande poder de correr como "anti-resaca" pola beira da praia de San Lorenzo.. co mar e o amanecer. E coñecir "o kilometrín" un sitio no que os galgos fan as series botando fume...

8.7 km 39'

17 nov. 2011

Pouco non é nada

Roubandolle horas ó sono e loitando cos restos da sidra de onte saín trotar uns minutiños...

3.8 km 20'

16 nov. 2011

Mais que por gañar por non perder

Estou de viaxe polo choio pero non por elo quero deixar de correr agora que podo e vou mellorando lentamente...

8.6 km 38'43"

14 nov. 2011

Rexenerando contra o vento

Hoxe saín pola mañan a "rexenerar" que é un palabro ben chulo que os periodistas empregan no canto de decir "antiresaca"... Non me saiu moi mal para o cargado que iba

8.5 km 37'48"

12 nov. 2011

Auga bendita

Bendita auga.

Estaba estresado, esgotado emocionalmente dunha semana algo tola e o remate "guardián" me deixou sen gañas de nada; pero fixen forza de vontade e fun a mergullarme na auga da piscina... que ben me viu, saín novo.

100 + 1100

11 nov. 2011

Matutino baixo a choiva

Hoxe guardia; así que antes do estres a carreiriña dun kan.

9.5 km 44'34" Boas sensacions e disfrutei baixo a choiva.

9 nov. 2011

Saída incógnita

Hoxe o Sportypal non colleu ós satelites e saín "a pelo"

Volta de campo simple; 35'40" Boas sensacions malia a falta de luz.

8 nov. 2011

Aqueles eran ritmos para estas senscions

Bueno, hoxe tocou unha sesión agradable polo parque da torre.

O SportyPal dí que hoxe fun mais regular que o xoves 13.8 km en 1h 05'

7 nov. 2011

Nada mentres outros ladran

Aínda había xente na auga... vese que xa tiñan mercado o produto.

100 + 1000

6 nov. 2011

Pero de qué me queixo?

Ergome como sempre; traballo un pouco no tema profesional e circuiteo, almorzo e me visto. Arranco para Ourense cunha mañan estupenda de sol... ata Guímara. O val do Miño estaba cheo de mesta néboa. Chego e xa está o tema do aparcamento complicado. No pavillón moitos saúdos de tódolos correlegas e moito frio; todos confiando en que mellore o día. Moi agradable a conversa coa miña parella circuiteira e coa xente do CARMA. Desta vez a Fotokedada foi mais vistosa gracias á xente de Esprinters in the nai e Afilados.

Púxenme pronto na saída porque xa non as tiña todas comigo... saín buscando non estorbar e non ser bloqueado en exceso e fun un pouco arrastrado polo ritmo do grupo o que empecei a pagar no km 2 no que xa non me chegaba o aire; así as cousas a proba foi unha contínua loita por non parar e un contínuo ver pasar xente. Conquerin non me agobiar moito, bebín no km 5 e respirei... vendo agora os pasos non me semella que fose tan mal, pero pensei que baixara moito o ritmo. Xa ó pasar pola universidade voltei a tentar apretarme sen éxito e vin a faciana inversa do día de Pontevedra rematando cáseque sen folgos e algo mal humorado.

10 km 42' (4'12"/km igual que na pedestre) Posto 668 de 3242 (20% algo peor que na pedestre; Sera que os de Ourense corren mellor?) O caralludo do asunto é que mellorei a marca do ano pasado (43'57") sen estar adestrando arreo.

Comparación Ritmos San Martiño 2010 e 2011


En fin, non sei porqué non disfrutei tanto esta carreira como as outras; cecais tiña demasiadas espectativas ou preocupacions.

1 nov. 2011

Pontiñando

Ou sexa, correndo polo parque do pontiñas. Dúas voltas completas en 1h 7' (o SportyPal toleou pero son 14.4 km) Moita xente correndo sería porque fun mais tarde do que acostumo.

31 oct. 2011

Auga da terra nádase doutro xeito

Que fun á piscina de Lalín por aproveita-lo día. Ateigada de xente; pero cadrei nunha boa rúa e non estorbei (coido).

100 + 1100

30 oct. 2011

A Cita de todo popular

O certo é que o Domingo en Pontevedra rematei tan ben que xa me preguntei poqué no acuadía á pedestre si quería ir a Compostela o mesmo día... e vendo o martes que seguía todo enteiro no meu xeonllo esquerdo me decidín.

Hai rutinas que son moi boas e a min o de ir sempre a aparcar ó mesmo sitio me resulta e  moito. Collín o dorsal cedo e fun almorzar (de segundas) topei un grande correlega e alí estivemos platicando un bó rato; logo arrinquei para os preparativos e un lixeiro quencemento non sin antes departir no obradoiro co nutrido grupo de "marisqueiros" que acudiron á proba.

Tra-la foto de rigor para o foro (cada vez acude menos xente ás foto-kedadas) fun cara á saída onde puiden disfrutar da compaña de xente querida e coñecida e do inestimable consello do SEÑOR M. Rosales unha lenda do noso deporte.

Saín tentando evita-las aglomeracions e os grupos que, por riba de porse diante sabendo que van a ritmos mais suaves se poñen en fila ó ancho. Rematei a costa con boas sensacions e seguín apretando ata xa a avda de Lugo no que escomenzou o que dei en chamar "déficit de O2" ou sexa que non ia mais. Regulei un pouco e nese ritmo (moi alto ainda <4'10"/km) fun ata o km 3. Ainda voltei a tratar de forzar xa baixando a rúa da Rosa pero dende alí xa non volvín a baixar dos 4'20" ata vite. A costa esta vez non a subín a lume nin me saiu un berro para escomenzala pero dende arriba tentei non deixar nada dentro de min e fixen eses 2 derradeiros kilómetros <4'.  Rematei en 50'18" (50'02" netos e 50'24" polo SportyPal) o que dá 4'12" de media non é a peor marca que teño nesta carreira e só son 50" mais que a derradeira vez.

A verdade é que pensei que ia peor do que estaba facendo e non tiven ningunha molestia nos xeonllos (e mira que pasei medo nas rúas empedradas) así que haberá que valorar ir á San Martiño.

Historial nesta proba

49' 28" 2009
51' 50" 2006 (O día anterior fixera 2h de adestramento e fun de Voda ata as 4 da mañan)
47' 19" 2005
49' 16" 2003

28 oct. 2011

Outra hora menos...

...a por outra Pedestre mais.

Saída mais ben suave para facer reaccionar ó corpo de cara a participar o domingo na pedestre.

13.4 km en 1H 2' non estivo mal tendo en conta que ata atendín unha chamada telefónica.

26 oct. 2011

é mellor mollarse na piscina

Hoxe tocaba nadar... menos mal que na piscina non había risco de saír voando.

100 + 1250

25 oct. 2011

A sorpresa insolvente

Tiña que tomar unha decisión sobre si ir ou non a Compostela e saín de proba...

14.3 km 1h7' non estivo mal e aínda que non rematei coa forza do domingo si que me sentín con gañas... o do domingo foi sorprendente porque aínda hoxe non conseguín facer un kilometro a menos de 4'15" porque o meu xeonllo esquerdo manifestase insolvente... Pero é o que hai e mentras poda disfrutar.... vou indo.

23 oct. 2011

Pontis Veteris, pontis aquensis

Hoxe acudín á liña de saída de Pontevedra a participar no desafío dunha media maraton sen levar mais que un adestramento de "fondo" pero coa tranquilidade que dá non esperar ren.
Nada mais chegar ó estadio rematou a sequía e escomenzou a chover para acompañar ó vento que sopraba dende cedo a temperatura seguía sendo moi boa para correr, pero para a xente que lle tiña gañas á súa marca xa non ia se-lo mesmo.
Quecemento light como manda a lóxica do pouco preparado e saída na parte traseira do caixón para non estorbar. Primeiros kilómetros contemporizando e buscando referencias dun paso xeitoso pero non lento, nos intres de vento perseguindo unha espalda e nos momentos de calma falando coa xente ou bromeando... "pechade a porta" e cousas parecidas.
O circuito é moi chan salvo un par de costan non moi duras na propia cidade. Avituallamento só auga cada 5 km e o público malía á choiva animaba bastante, pero especialmente quero facer referencia ós voluntarios porque levaron unha boa molladura e aínda así non deixaron de animar nin de vixiar o punto que lles correspondese.
Os primerios 10km os fixen mellor que en Sada (44'10" segundo ChCh) pero sentín alí algo de cansanzo e afrouxei un chisco, xa no 12 me sentín mellor e voltei a apretarme para non perder á xente coa que ia cando me vin no 16 con gañas aínda de tirar  me alegrei moito e deixeime levar por esa sensación así que xa se ve no Sportypal como, salvo nas costas, os tempos desta parte compensan eses 2 km de respiro. Atravesando a parte vella polo camiño de santiago apreto ó 90% e paso o km 20 en 1h29'55" eso anímame e lanzo un último esforzo que me leva á meta en só 4' mais como tamén reflexa o gráfico... total 21,2 km en 1h34'



Coido que mais importante que non facer peor marca persoal (cousa que pouco me importaba) foi a boa sensación que tiven cáseque toda a proba e, sobor de todo, o forte ritmo do final e o ben que me atopei ó chegar á meta. ahh, esquecíao 436 de 1085 chegados á meta.

21 oct. 2011

Outra de carreiriña

Outra volta aproveitando o tempo...

12 km 58' Agora á espera do que pase o domingo en Pontevedra.

20 oct. 2011

El que madruga... algo hace

Sempre tentei non deixar de adestrar aínda que andivera de viaxe ou que tivese pouco tempo; nesta foi o caso coa agravante que malia coñecer ben o sitio (ou xusto por iso) non tiña localizado un circuito para correr sen luz natural... así que foi unha sesión curta, o xusto para desentumece-los músculos.

6.2 km 31'

18 oct. 2011

Recuperando

Malía unha pequena molestia no biceps crural dereito hoxe saín a recuperar e ir collendo fondo.

14 km 1h 08'

16 oct. 2011

Nova tempada

Estreeime hoxe en Sada na tempada 2011-12 por sorte sen problemas e con moi bó tempo. Era unha proba benéfica pero estaba moito do mellorciño do norte de Galicia e había un ambiente fenomenal. O terreo, pois o típico do país mitade para arriba e mitade para abaixo. Cheguei sen mancarme e con bó ritmo final.

10 km 45'

15 oct. 2011

Nova variante de orellán

Bueno, hoxe fixen o camiño á inversa e completei unha ruta ben chula; a media xa a mellorarei en canto coñeza as baixadas

59.5 km 2h 25'

12 oct. 2011

A ver que colleita saco esta tempada

 Hoxe corrín coa "lúa colleiteira"; vai un ano que o fixera e neste tempo conquerín os obxectivos marcados malía empeorar o meu rendemento e ter lesions inoportunas. Ogallá este ano conquira tamén manterme en 1ª división do circuito Correr en Galicia e face-la miña 10ª maratón aínda que o vexo moi compricado.

9.5 km 44'23" Segue sin ser bó tempo, pero é mellor que o da guardia do día 4 e non me esforcei especialmente para elo.

A ver si esta finde conquiro escomenzar xa a participar que a falta de obxectivos me está a facer moito mal.

10 oct. 2011

9 oct. 2011

Variante Borrenes

Hoxe deume por facer por fin algo que levaba tempo pergeñando; a variante de borrenes.

48.5 km 1h 57'

7 oct. 2011

A torta do 2011

Xa pensaba eu que "aqua" era invunerable, pero hoxe na rotonda de Parandones acabouse... Non iba moi ben que se diga polo airiño do norte que viña e baixando apreteime un pouco pero non foi a velociadade, foi o aceite que había na rotonda o que me fixo caer...

Só iba a 40 así que as raspaduras de rigor e o golpe na moral tradicional, erguínme e seguín... parei en Carracedelo a avisar á guardia civil do aceite na rotonda e cheguei a casa a tempo.

44 km 1h 40'

6 oct. 2011

55 relaxacions

55' de carreira contínua recuperando os circuitos do inverno que os "recurtes" chegan xa ata o sol e marcha antes... non levei o trebello así que non sei o ritmo pero me sentín ben.

4 oct. 2011

Pola noite tódolos baches son...

poucos.

A teima de "aproveitar" os días de guardia ten o seu aquel... cada vez o fago peor.

9.5 km 47'

3 oct. 2011

Aproveitando a derradeira calor...

Outra de pedais desesperados... un mes dempois 3' 30" mellor.

44,6 km 1 h 36' 25" E mañan a ver como se presenta.