31 ago. 2017

Agosto frio ó rostro.

Foi un mes un tanto estrano cumprin os obxectivos cunha semana de antelación, os ritmos foron mais ca satisfactorios e rematei facendo mais de 40 km en bici a mais de 30 km/h pero sei que puiden ter feito mais e mellor.

Chapoteo: 26 km
Pedaleo: 509,6 km

Agora vos deixo esta proba de gráfico da actividade realizada dende 2010 (cando empecei co SportyPal). Irei probando a ver o tema interactivo e tratar de engadir tanto os meses sucesivos como ir "extraendo" do propio blog os anos anteriores a 2010...

31 jul. 2017

Xullo de troca-la app

Neste mes trocamos de aplicación para o rexistro de actividade... non foi mal mes pero puido ser mellor o que pasa é que non lle vexo obxecto a facer mais de 70 km na bici.

Pedaleo 549,66 km
Chapoteo 17,8 km

A ver como se da Agosto.

22 jul. 2017

Tiña que pasar: o "fakesportismo"

https://fakerunner.com/

Nunha era na que gañar e non "competir" semella ser o único que satisfai á xente e na que grandes multinacionais como o "Real Madrid" ou o "Barcelona FC" crean a ilusión de que se pode gañar sempre a reacción á frustrante realidade (non se pode gañar sempre, e mais; o mais frecuente é non gañar) é o "postureo".

Dende o meu punto de vista a creación de "servizos" que simulan a realización de actividade física para subila a aplicacions onde ser partilla este tipo de cousas ten mais que ver con esa intolerancia a non gañar (azuzada pola mala xestión dos comentarios de outras persoas coas que se cree "competir") que polo suposto "exibicionismo social" que poden impulsa-las ferramentas TIC.

De sempre houbo este tipo de círculos nos que a conversa semellaba unha liorta de "machos alfa" para ver cal "a ten mais grande"; o que fan as TIC é amplia-lo círculo e permitir chegar a persoas ás que non se coñece... pero é a mala xestión do ego e do contraste da realidade a que leva á xente a estes extremos de postureo.

Trampons sempre houbo... eu lembro xente artellando estratexias para esconderse e gañar en carreiras populares de 5 km¡¡ nas que só corriamos os do pobo... están tamén os que atallan en cada recuncho dunha carreira popular, os que toman anabolizantes nos ximnasios, os que empurran na saída das carreiras e os que se poñen diante ainda que o seu ritmo sexa para chegar atrás...

A competitividade non é mala si se entende como un estímulo para a propia superación pero cando o ego só admite "vencer" (en absoluto ou en relativo) e non se teñen habilidades de xestión das relacions persoais para sobreleva-los comentarios dos "matons de patio de colexio" pasan estas cousas... senon peores. Coñecemos casos de xente que por mor de "non perder" caeu lesionada cando non perxudicada por productos tóxicos ou morta.

Así que xa sabedes: o mais sano é "perder" sempre que sexa con esforzo.

18 jul. 2017

Bó Strava e morreu SportyPal

Pois si, tras 7 anos chegou o momento de empregar outra app para rexistra-los adestramentos porque SportyPal semella abandoada á súa sorte polo menos para o modelo de móbil que eu emprego que xa me avisou que na seguinte renovación do sistema operativo a app non funcionaría.

7 anos e 877 actividades principalmente correr e bicicleta mais tamén algunha camiñada como non hai opción de descarga dos datos capturei os mesmos mes a mes para poñelos no excel que levo de actividade... o que si ofrece a páxina de SportyPal é un gráfico resumo da actividade tanto en velocidade media como en distancia percorrida.

Aquí volo deixo por si é de interés: Carreira


Bicicleta


Pero como o de que o móbil rexistre a actividade me semella moi práctico pois indaguei sobre outra app e ó final aconsellado pola xente de correr en Galicia e lembrando os consellos de algún colega mais escollín Strava.

A verdade é que a app funciona ben pero só consigo rexistra-las saídas en bici (e si correra pois tamén) pero non sei como carallo "meter" outro tipo de actividades e tampouco consigo que me vaia dicindo cantos km levo no mes así que teño que confiar en @clubdelpaseo ou ilos levando eu.

Xa conseguin a "conexión social" gracias a que Strava admite IFTTT e o relacionei co meu twitter (e de ahí vai ó FB). Tamén o conectei cunha folla de cálculo de google pero apenas garda a data, a distancia e o tempo e enlaces á imaxe do mapa da saída e á páxina de Strava da actividade. A descarga que permite Strava é en formato .gpx polo que faría falla un software de navegador para empregalos.

O mais entretido de Strava é o tema das clasificacions (si fas rutas estandarizadas por outros ou unha túa pública que outros fagan) e os segmentos que son anacos do percorrido no que "compites" con outros participantes e contigo mesmo (esto pode ser interesante). Os segmentos os podes definir tí si queres pero sempre que entras nun (teu ou de outro) a pantalla da app xa che vai cronometrando como vas no segmento... vamos moi competitiva.

Este será o meu novo perfil en Strava; porei un widget coas saidas da bici no lateral do blog si decido seguir con ela.

1 jul. 2017

As inclemencias de Xuño

Tocou un mes de san xoan moi raro no climático cunha calor abafante durante semanas e con choivas nos derradeiros días por riba o inesperado peche da piscina (do 24/6 ó 24/7) nos deixa un pouco descolocados.

Chapotear: 22,1 km
Pedalear: 312, 32

Estou listo para abandoar Sporty Pal só me queda facer un par de saídas duplicando rexistro coa alternativa elexida (Strava) que por de pronto ten algo destacable: permite a descarga de datos.

31 may. 2017

Maio perseguido polo raio

Bueno pois xa non hai opción para mais e non me queixo; este maio a cousa foi como quería que fora... salvo pola meteoroloxía que trouxo fortes tronas que a piques estiveron de pasarnos polo corpo.

Chapoteo: 25,4 Km
Pedaleo: 404,4 Km

30 abr. 2017

Abril de curvas e sol

O verán adiantado deste mes había que aproveitalo e polo tanto mais carreteira e menos chapoteo... a tristura polo tremendo lume na tebaida me trouxo lembrazas e gañas de correr mais os xeonllos non están nin para un trote...

Pedaleo: 352,7 Km
Chapoteo: 16,9 Km

1 abr. 2017

Marceando...

Resignado ó que podo facer e cando podo facelo non me debo queixar de intentalo sempre que podo.

Chapoteo: 24,9 Km
Pedaleo: 34,7 Km

28 feb. 2017

Febreiro non por corto non enteiro

Foi aló outro mes

Rematamos mancados no xeonllo dereito pero xa o sabíamos; o entroido é un "deporte extremo" si vas ó triángulo máxico e fas o que hai que facer.

Polo demais:

Chapoteo: 21,4 km
Pedaleo: 101 km


31 ene. 2017

Unha seca pasada pola auga

Xaneiro foi o primeiro mes do que me queda por diante... non sei si poderei soportar non poder correr, non sei si me adaptarei ás rutinas familiares e profesionales para poder andar na bici...

Chapoteo: 27 km
Pedaleo: 28,7 km

31 dic. 2016

Decembro e 2016

Bueno pois aló vai este mes e este ano... Non podo dicir que fose un bó ano no eido lúdico-deportivo pero supoño que algunhas cousas das que suceden son parte da natural evolución da vida...

A natación aínda me vai consolando e tento sacar proveito das oportunidades de ir andar na bici aínda que é un pouco complicado con tan pouca luz.

Chapotear: 23,1 Km
Pedalear: 77,31

O 2016 quedou así a escala da esquerda é para correteo e pedaleo e a da dereita para o chapoteo.


Non teño plans para 2017 pero non penso deixar de facer exercicio; vaime a saúde nelo.

28 dic. 2016

Contratado¡¡

Fai uns días critiquei abertamente a nova na que se deba conta de que NIKE contrataba a corredores para baixa-la marca da maratón de 2 horas. Preguntaba polas impliacions éticas e polas consecuencias de ter un "contrato" desa índole.

Mais resulta que o programa de NIKE non implica só a corredores de elite senon que ten unha sección na que brindan a oportunidade a persoas que sentimo-la paixon por correr com fundamento da vida para facer realidade o soño de acadar unha grande marca... e tocoume.

Xa estou na lista de espera para repara-los meniscos dos dous xeonllos e me asignaron adestrador, fisio e nutricionista... terei que deixar de comer certas cousas pero o mais terrible será non poder tomar un pouco de cervexa ou viño. O seguro médico cubreme calquer problema cardiovascular que xenere o programa de adestramento e tamén inclue as futuras operacións froito do desgaste articular malia que non se pronuncia sobor dos síndromes asociados ó deporte de alto rendemento estou certo de que non haberá problema.

O contrato e moi longo para explicalo aquí; incluso para leelo mais os recursos postos garanten que chegarei ós obxetivos e non fará falta aplica-las clausulas finais...

Teño tamén que adicar certo tempo ó tema das promocions polo que dendo o vindeiro ano este blogue terá patrocinio non só de NIKE senon doutras marcas do programa "acada as túas metas" no marco do cal irei publicando entradas sobre os trebellos, prendas, accesorios e demais que me acheguen para acada-lo meu obxectivo. Pode que complete o programa cunha canle de video no Youtube mais non teño claro si a producción será por conta propia ou allea.

Entre medias delo debo adicar 10 horas diarias a adestrar e ou outras actividades que me marquen no programa de preparación e elo me leva a pensar en deixa-lo traballo... pero como me indicaron "xa haberá tempo de tomar esas decisions...

En fin que se abre unha tempada chea de emocions e vivencias únicas escomenzando polo paso polo quirófano.





































Si chegache ata aquí e creiche algo do leido Grazas, xa sabía que tiña amigos de bó corazón.

30 nov. 2016

Novembro outonal

A verdade é que a cousa pinta moi mal no que á actividade física se refire, a mancadura no xeonllo dereito do 31 de outubro da ó traste con calquer esperanza de corretear e disfrutar do outono e o momento mais duro foron os días pasados en A Coruña co paseo do parrote ahí ó alcance da man e non poder ir correr.

Este mes apenas puiden facer natación por mor das cousas dos horarios laborais e domésticos mais aínda foi un mes "normal" neso.

O derradeiro día puiden colle-la bici e dar un paseo...

Chapotear: 20,6 km
Pedalear: 34,7 km

6 nov. 2016

Menos menisco mais diversidade

Ainda non vai unha semana dende que me manquei teño claro que só é un punto indicativo de algo que xa viña pasando e continuará...

Non teño claro qué carafio está roto ou mancado ahí dentro semella o ligamento cruzado ou o lateral pero dá algún síntoma meniscal así que como aquelas relacions adolescentes que remataban sen rematar voulle dar  tempo e logo vou calibrar si está roto ou só mancado. Si está mancado haberá que face-los exercicios axeitados; si está roto... pois xa verei canto me impide facer.

Mentras centrarei o exercicio na natación e pode que na bicicleta si o tolero... Xa vos contarei.

31 oct. 2016

Aproveitando o veroño

Andivemos ben en Outubro; ben para o que viña sendo norma... mágoa de mancadela na derradeira saída.

Non me queixo; as cifras terían dado para facer 7 triatlons... non sei si eso quere decir que estou ó 70% respecto a Agosto do ano pasado... eu penso que en ritmo dende logo estou en bastante menos.

Corretear: 70,16 km
Pedalear: 287,33 km
Chapotear: 19,1 km

1 oct. 2016

A (mala) colleita

E pasou Septembro e colleitamos o que puidemos que os artellos non aturan moito e a vida ten cousas que priorizar e pon obstáculos (como o enésimo peche da piscina de arriba).

Chapotear: 24,2 Km
Corretear: 17,1 km
Pedalear: 278,3 km

1 sept. 2016

Un mal Agosto con bó tempo

Non están os tegumentos para moita broma e tampouco a conciliación pode ser a que era así que un vai tirando como pode...

Corretear: 8,4 km
Chapotear: 20,06 km
Pedalear: 336,42 km

31 jul. 2016

Xullo insular...

Desta volta as vacacions programadas permitiron unha boa ración de actividade física extra (ademais do esgotador turisteo) o que levou as cifras a cotas difícilmente alcanzables para este kandpalleiro... a tecnoloxía nos xogou unha mala pasada e non puiden tomar medidas exactas das natacions realizadas pero coido que foron abondo fiables; en todo caso o importante é que disfrutei e moito deses intres, tanto que me atrevin a correr incluso dous días consecutivos o que tivo as coñecidas consecuencias no xeonllo dereito que veremos onde van parar.

Chapoteo: 30,1 Km
Correteo: 21,21 Km
Pedaleo: 304,77Km

A tecnoloxía temén ten unha parte boa como é que sin querer a miña filla me fixo un vídeo nadando coa súa cámara submarina na que se podería facer unha análise da mecánica para mellorar... como si puidera.



video

1 jul. 2016

En xuño seguimos camiñando

Dadas as circunstancias non me podo queixar neste mes fixen bastante, pode que me gustara facer mais pero o xeonllo segue a molestar en canto lle digo que teño gañas de correr... polo menos no choio mais non me molesta.

Chapoteo: 22 Km
Pedaleo: 200.8 Km

1 jun. 2016

Maio nen flores nen nada...

Segue o tema do deporte mal... non acabo de saber que lle acontence ós meus xeonllos cando corro e coa meteoroloxía que hai non me fail falta moita excusa para non sair na bici ademais do difícil que é acordar unha axenda coa miña vida que me permita seguir facendo esto de tal modo que xa me teño afeito a ir nadar sen xantar.

Chapoteo: 22.8 km
Pedaleo: 125.24 km

1 may. 2016

Abril de bágoas mil...

Home seguro que esaxero un pouco, pero este problema ten pinta de que vai se-lo definitivo... Durante este Abril sufrín unha lesión aínda por determinar no xeonllo dereito como consecuencia do que acabo con bastante dor e un derrame importante na articulación tras tentar correr (e non manifesta molestia durante a carreira)... por riba os compromisos profesionais e combinacions de circunstancias non axudaron para poder ir nadar e a meteoroloxía se aliou contra a bicicleta.

Pedalear: 131.92 km
Chapotear: 16.4 km
Corretear: 20.55 km

Verei como evoluciona o problema e si co "reforzo" ciclista podo aturar...

1 abr. 2016

Marzo marzán bó inicio e mal final

Todo ia de perlas ata que non foi.

Por primeira vez teño problemas no xeonllo dereito e eso me pon moi triste porque non sei cando voltarei a corretear... todo sexa que poda empezar coa bici para que colla forza e tal.

En marzo a cousa ia moi ben, como dixen; fixen:

Chapoteo: 22.9 km
Correteo: 109.86 km

En fin, iremos como se poda...

29 feb. 2016

Un febreiro longo

Remata Febreiro... normalmente por ser mais curto e cadrar co entroido é o mes con menos "rendemento" pero esta vez non estivo mal.

Correteo: 120.8 km
Chapoteo: 22.1 km

O mellor: a comodidade coa que vou encaixando o exercicio no novo horario e a incomodidade da única piscina de Ponferrada...

19 feb. 2016

Demasiada presión destrue o puro...

Leo sobor do "estourido" dunha atleta á que non lle permitiron participar nunha proba por mor dunha encerrona administrativa e vexo como a presión da competición "dirixida" destrue a esencia de aquelo que nos fai felices cando corremos...

Non podo mais que reafirmarme no dito: xa non adestro nin fago deporte... fago exercicio e saio a disfrutal del.

As normas e a seguridade son necesarias si, pero non poden estar por riba do obexcto polo que tanta e tanta xente se xunta... unha especie de "burocracia autoxustificada" de xente que, algunha, xamais soubo o que é disfrutar dunha tanda de exercicio mirando as montañas...

31 ene. 2016

Un Xaneiro de trocos e obstáculos

Rematamos Xaneiro un mes con moitos trocos sobor no tema do horario laboral que afectou un chisco ó tema deportivo mais por falta de adaptación e rutina que por outra cousa... logo está o tema de que en Ponferrada nadar a cotío é un luxo; a piscina (que si que ampliou os horarios) segue a ser insuficiente e salvo a fin de semana cedo o resto é unha odisea, incluso ó mediodía tiven algún problema e por riba de cando en vez a pechan ben por competición ben por festividade.

Correteo: 125,65 km
Chapoteo: 18,50 km

1 ene. 2016

Resumo 2015

Rematado 2015 é hora de botarlle as contas:

Correr: 1044,04 km
Chapotear: 229,36 km
Pedalear: 57,9 km

Na gráfica vese a evolución por meses; apréciase ben a lesión de Febreiro e as vacacions do verán así como certa melloría no volume de carreira nos derradeiros meses porque lle fun atopando o tranquillo á nova situación das miñas articulacions.
Na bici conquerin facer 8 meses seguidos o que non é moito pero é mellor que antes.
Nadando se pode apreciar no terceiro gráfico que o peche da piscina universitaria afectou ó ritmo que levaba.


En comparación con 2014 corrín un 13% menos pero fixen un 57% mais km na bici e, malía a dificultade sinalada un 4,75% mais de km na auga.



Agora só queda adaptarse novamente e seguir facendo en 2016.

31 dic. 2015

A derradeira foi a boa

Este Decembro non me podo queixar polo feito malia a saber que aínda pudo ser mellor

Carreira: 143,41 km e iso que houbo algún día que me saltei...
Natación: 22,05 km e iso que a piscina de Ponferrada pechou o 22 de decembro... tamén é certo que o 26 fun en Compostela ás piscinas de Santa Isabel.


30 nov. 2015

Incumprindo en Novembro

Ás veces un debe aceptar non cumprir os mínimos que se esixe porque ten motivos para elo...

Foi o que aconteceu este mes; no que non acadei os mínimos que me marco malia que xa os rebaixara (na carreira) porque coñecía a dificultade que tería unha semana concreta deste mes.

O importante é mantermos as gañas ¿non si?.

Carreira: 93,83 km xusto lle faltan os 7 km que por falta de luz natural non puiden correr en Cuenca.
Natación: 14,45 km xusto falta unha sesión que a preferín dedicar á bici.
Bicicleta: 37,7 km

11 nov. 2015

A punta do Iceberg...

Calquer actividade feita POR comparar, competir... ten tendencia a irsenos das mans. O deporte non ía ser menos.


Alguén podería pensar que falar agora é moi doado falar da xente que se engancha ó deporte popular por competitividade... e que eu debería estar caladiño pois durante un tempo me adiquei a fomentar "a participación" que remataba nesa competitividade mal entendida ou no enganche ó límite desmesurado.

Na Behobia San Sebastían; proba mitica para calquer popular da península e arredores faleceu un corredor (e van varios nestes anos) e catro están na UCI ademáis de unha ducia de feridos... Cousa da multitude? A xente se pide mais do que pode? Exceso de competitividade?

Non sei pero si a elo lle sumamos a falta de precaución da xente que se mete a facer deporte a partires de certa idade temos un cóctel explosivo polo que sospeito que eses incidentes graves non son mais ca punta dun iceberg de lesions e doenzas contraproducentes respecto ó que se quería conquerir facendo deporte... 

Por iso agora só fago exercicio e prefiro só compartir.


1 nov. 2015

Outubro de dous tercios

Rematou Outubro con dous tercios dos obxectivos acadados mais coa sensación de que era imposible acada-lo 100%.

Natación: 20 km
Carreira: 109 km
Bicicleta: 51,62 km

Non foi a falta da cuberta dianteira o que me impediu acada-los 200 km na bici é un calendario ateigado de pequenas cousas nas que resulta complicado encaixar sesions de mais de hora e media... con todo conquerin facer 20 km nadando adaptándome ós horarios da piscina... pero non vai ser doado facelo moito porque nas mañans non sempre podo ir ás 15 h a nadar.