31 dic 2010

Resumo 2010.

Participacions:

Maraton: Toral de los vados (20/06)

Entre MM e Maratón: Circular de Busmayor (4/07)

Media Maraton:  Betanzos (30/05), Ponferrada (25/07), Petín (05/09), Vigo (26/09), Riven run Wanaka (17/10), Volta á ría de Ferrol (12/12),

Entre 10 km e MM: Ferreirúa (9/05), Nocturna Pajariel (12/06), Villanueva de valdueza (31/07), Torre del bierzo (14/08), II ruta sacra de Cacabelos (27/08), Negreira (7/11), San Martiño (14/11), Lugo Monumental (19/12)

Menos de 10 km: Rábade (24/01), Ferreira de Pantón (5/06), Nocturna de Celanova (26/06), Carreira da torre (12/09), Milla de O Barco (12/09), Dragonte (28/11)

Outras / Combinadas: Travesía do naútico (15/08), Travesia do carme dos pincheiros (21/08)

A verdade é que para estar mancado dende xaneiro ata xuño non estivo nada mal....

Adestramentos: 221 (alguns dobles ou triples).

27 dic 2010

outra de natación de mínimos... 100 + 1000 Atopei boa xente hoxe por alí mágoa non saberse o troco do horario de adestramento dos "golfiños veloces"...

25 dic 2010

Antes de entrar... facer o que se pode.

Día de nadal; tra-lo rodaxe ciclista de onte os xeonllos presentaban certa inestabilidade, pero quería estre-la malla que me agasallaron así que fun facer unha rodaxe valdeorresa...

11.2 km en 51' (4'35")

24 dic 2010

Unha volta co agasallo

Hoxe teño un día peleón; cáseque revolucionario... pero collín a 'auga' e fumos aproveita-lo sol...

39.2 km en 1h 26' (27 km/h) non estivo mal e me relaxei.

22 dic 2010

21 voltas

A práctica deportiva aporta saúde e non só física....

O de hoxe foi un deses adestramentos nos que saes facer un traballo pero non eres capaz mais ca de rodar; eu ia coa intención de repetir o da semana pasada e facer 5 series-trocos pero vistos os tempos (entre 4'26" e 4'30") podo dicir que non foi mais ca unha rodaxe de 11 km en 50'.

Cando menos o repaso ó sucedido me prestou.

19 dic 2010

A mellor sorpresa: A que te das a ti mesmo.

A verdade é que eu hoxe ia a Lugo por tradición e polos puntiños claro... resignado a ver como empeoraba novamente o rexistro nesta proba á que tanto cariño lle teño e na que tanto frio se pasa.

Contando os ritmos que tiña nos adestramentos e nas derradeiras probas e sabendo o cansazo acumulado das derradeiras 36 horas pois calcurara eu que faría uns 45' no total da proba.

Mañan fría pero non tanto como o ano pasado e con abondosa participación de toda Galicia, Bierzo, Asturias e Norte de Portugal. Recollo o dorsal das mans de Paco e volto cara ó coche que o aparcara estratéxicamente perto de onde dixeran que serían as duchas. Quecemento na Avenida Ramón Ferreiro ata 15' antes da saída que vou para a kedada ó lado da saída. Foto de familia e para o caixón... porque aquí actuouse con lóxica e se fixeron 3 caixons segundo os tempos do ano pasado o que era absolutamente preciso dado estreito do sitio.

Tra-lo motivador acto da marcha contra a drogadicción saimos; eu algo a modo, pensaba, porque xa estaba ben situado e só tiña que coller calor e ritmo, cando me vin no km 1 en 3'50" asusteime un chisco e tirei mais do freno aínda. Pero ia cómodo e seguin tirando pensando en que xa me chegaría a hora de afrouxar.

A primeira volta ata a costa a fixen toda por baixo de 4' e logo baixei bastante o pistón, pero de seguida me rearmei e voltei a apretar ata que topei con Lucía xa no km 5 (xusto en 20') dende aquela fumos mais ou menos parellos e cun ritmo bastante constante que me permitía alonga-la zancada nas baixadas e tomar folgos; no km 7, antes da porta da muralla, xa pensei que non podería mais pero seguin con forza na costa de entrada á muralla e me sentín moi ben ata a meta que entrei en 40'14"  (só 2' peor que o ano pasado) no posto 287. Quedei pois sorprendido de min mesmo e satisfeito sobre todo polos ánimos que presentei durante a proba.

17 dic 2010

Antes de entrar deixar sair.

Outra carreira contínua; desta con bastante peso erriba (2 kg) boas sensacions; mágoa de excesos que me quedan por facer... Danzar coma tolo 3 horas será tamén adestrar? Polo menos queima o alcohol.

9.6 km 44'50"

15 dic 2010

Pesimismo é quedar no sofá.

Hoxe rodaxiña e "series-trocos" (sen recuperación) 55' en total 5 trocos de mil 4'20",4'22",4'18",4'18" e 4'17". Podería escusarme no tarde que xantei, pero o certo é que estes son agora os meus tempos e penso que hai que estar agradecido de poder seguir cada dia, de ter gañas de ir e facer o que toca e de facelo e rematar con mellor sensación que se comenza.

13 dic 2010

Qué me gusta? Gustame CORRER.

Rodaxiño suave de recuperación... 35' a 4'37" (7.6 km) mais 6 progresions de 90 metros pola herba; boas sensacions.

12 dic 2010

A volta que é media na ría enteira.

A mente é a que mais corre unha vez que as pernas poden.

Magnifico día no meteorolóxico e moita participación (cáseque 1000 inscritos dos que chegamos 644) aínda que eu notei o ambiente algo enrrarecido; cecais imaxinacions miñas.
Salutacions varias a tódolos foreiros e xente coñecida, quecemento nun patio interior de vivendas e rapidiño cara á saída. Situeime ben, algo adiante mais sen estorbar dado que aínda que o arco de saída era estreito a estrada foi ampla no primeiro kilómetro permitindo o paso dos mais rápidos que sairon algo atrás.
Tentei ser conservador porque non tiña o corpo moi "católico" pode que a bici do venres no me prestase ou cecais as botellas de viño da finde... o caso é que non as tiña todas conmigo e fun tranquilo.
Km 5 21' pero as pernas frías e a cabeza a cavilar que podería facer para toparme mellor. Deixei ir á maioría da xente que me adiantaba porque xa via eu que non debía cebarme antes da costa de Neda.
Km 10 42' e xa ia collendo color o tema, polo menos me via en condicions de rematar e aínda non lle perdera a estela á marca. Collín varias veces o ritmo de xente que me pasaba, pero as miñas pernas emitían mensaxes contraditorias así que ata Neda mesmo (xa baixo a autoestrada) non escollín compaña.
Co solciño de fronte e a baixada a Fene tomei o meu ritmo e me preparei mentalmente para As Pías. O cartel do Km 15 estaba como 1 kilómetro adiantado (para non ter que face-lo avituallamento no medio da ponte) pero non importou moito, xa sabía como iba. Mirei cara ós pes que tiña diante e fun respirando tranquilamente aliviado pola ausencia de vento.
Xiramos para bordear Caranza pola avda do mar e tomei conciencia de que podía chegar en tempo pero que quedaban, cando menos, dúas costas fastitidadas e non tiña ben controlado como era o tema da meta... apreteime o paso un pouco agradecendo os ánimos do público e animando ó amigo Nacho que as estaba a pasar fatal por mor da lumbalxia.
O "divertimento" do 'sabor Ferrol' foi algo duro e non puiden xa recuperar o tempo que cedín ó principio polo que ó entrar na praza o crono xa marcaba 1h30' pero apretei para entrar nese minuto. 1h30'42"

Segundo SportyPal 21.2 km en 1h30'48" (4'16") Polo demais; falando coa xente e saudando a Javier Gomez Noya que pasou pola meta a ver ós amigos.

10 dic 2010

Afogando bágoas e despexando dúbidas

Natación de pouco consolo de moito.

100 + 600 + 50

Non era quen de me decidir pero non quería chegar en branco ó domingo... e precisaba afoga-la rábia do 'galgo'... En fin, agora repouso turístico e a media Adolfo Ros.

9 dic 2010

Bici e tristeza

E aínda menos mal.

Porque si chego a escoita-las novas antes... non saio. Fixen 1h8' de bici que me veu ben e me prestou. Logo veu a decepción, o tremendo varapalo... sego a pensar que é moi estrano que no futbol non xurda nada disto coa de cartos que move... ou xustamente por iso.

8 dic 2010

Así enferma cualquiera

El día 4 hice el matutino a -4cº y hoy... había por lo menos 10cº. Mejoré algo la media porque no me resbalaban los pies en el hielo.

9.6 km 45' (4'42")

6 dic 2010

A sesión do arco da vella

Hoxe rodaxe entre dous chubascos baixo o arco da vella... 1h 10' boas vibracions.

4 dic 2010

Cintillada e xeo

Carreira esbaradiza a de hoxe entre a néboa conxelada (cintillada) e o xeo que había na estrada de columbrianos a fuentesnuevas.


9.5 km 45' (4'44").

3 dic 2010

Natación 100 + 1000 + 6 x 50 (rec 25) + 100

Dame un noxo tremendo non poder adestrar mais calidade nadando neste tempo de inverno... ando tan xusto de horarios que apenas podo ir facer esto. En fin, mañan matutino pola xiada e 'invitación' guardiana.

1 dic 2010

O corredor que a Triana vai...

Pois eso, que teño metido no caletre de irmos á maraton de Sevilla porque este ano cadra antes da pausa antroideira e do 14/2... ademais, como comentei por ahí: "que sería a vida sen retos?".

Hoxe rodaxe de 1h 5' a verdade é que non levei o mobil (SportyPal) por medo a mollalo pero o ritmo foi de 4'40" sen complicacions.

30 nov 2010

Debullando na auga

Hoxe foi un día de mooooito e a tarde non foi para menos así que fun chapotear por escapar... pero non  puiden pasei as voltas debullando o que podería ter feito mellor e que cousas non movín ben.

100+1000

29 nov 2010

Adestrando no silencio

Eu tamén saín cos suplentes... ou non.

Saín entre bombas de xente que pasa da crise (ou será xustamente pola crise que non lles queda outro xeito de diversión que o "circus"?) a rodar no silencio da xiada.

9.5 km en 43'38" (4'33") as pernas ben, as articulacions chasqueando dende o pé ata o pescozo; coido que preciso unha sesión de fisio.

28 nov 2010

Dragonte 10

Hai probas especiais que nos seus elementos aillados non teñen moito que aportar pero que no 'mix' teñen o seu aquel... Eso é Dragomán; unha proba curta de subida pronunciada pero non extrema no final do outono con un pouco de frio e xeo, cunha participación moderada nunha vila histórica algo ancorada no pasado con medios e vontades propias do seu entorno.

Mais os datos son os datos e a proba é un éxito tanto de satisfacción dos participantes como de incremento de cifra dos mesmos e de lugares de procedencia. Eu acudín porque me gusta e porque cadrou xusto esta friaxe tremenda que quitaba as gañas de meterse a conducir mais. Non estou moi en forma para as costas pero xa saben os que corren que sempre gusta da-lo todo ó participar.

Non me situei ben na saída e así tardei 40" en pasar pola porta do castillo; logo fun adiantando xente ata a colegiata e dende alí xa fun pensando no meu paso e en reservar para a subida. Arrinqueina ben, con gañas e as rampas iniciais foron doadas; logo afrouxei, supoño que pola falta de fondo e enganchei cunha moza e fomo relevandonos ata o mesmo pobo no que saquei o resto entre esbarons polo xeo e esquivar andarines e xente que baixaba.

Rematei en 45' e pico e posto 106. Explicar que no tunel se perde o sinal do GPS e aparece cortado no gráfico de sportypal



Jesus Bernal en plena capa de xeo en Dragonte

Felipe (pipe) antes de topar ó Dragón escondido.

26 nov 2010

Contra a xiada as cousas no seu sito

6:50 h -2 Cº tras durmir só 5 horas e pasar 10 horas do día anterior nun evento do traballo boto a correr cara ó choio... 9.5 km 45' (parei a orientar a un tipo que ia perdido).

Qué teño?: Gañas de disfrutar do luar entre a xiada...

24 nov 2010

Mais voltas ca... un tolo.

Outra de voltas no estadio... non me queixo, vou estando cómodo.

45' 16 voltas.

22 nov 2010

Suave que... só estou rodando

Hoxe tocou porque si, porque Dani tiña atletismo e para qué sair dúas veces?

45' de rodaxe no estadio 15 voltas pola corda de fora.

21 nov 2010

Lamentacions dunha mañan de outono

Este adestramento de hoxe o fixen como 4 ou 5 veces... dende que vin que esta finde non podía ires a ningunha proba puntuable troquei a idea varias veces; a 1 hora de sair aínda non sabía si faría o que fixen ou iria ata Villafranca a unha saída pre-Dragonte para certificar que Gus está que se sae (o vexo facendo series no estadio e na costa da avenida do bierzo) e que Basurko e Maky tamén andan a 110%.

Ó final 1h2' 13,4 km non vai mal a cousa aínda que non teño moito ritmo.

20 nov 2010

Natación: 100+1000+50

Despexando os pulmons e facendo sito para o "bierzollinger"

19 nov 2010

Vaia sorte a miña.

Saida curta: 40' facendo 3 "semi-trocos" de ritmo.

Non é xusto que esta finde hai 4 probas e non podo ir a ningúnha e a vindeira que teño que ir para aló non hai ningunha e por riba é a Subida a Dragonte... As cousas son como son e non como un quere que sexan.

18 nov 2010

Outra hora

Tra-la pausa 'laboral' de onte hoxe tocou outra rodaxe de 1h pero non levei o SportyPal... a ruta e o tempo foron os mesmos que antonte mais as sensacions musculares e respiratorias foron francamente mellores; mágoa que o sábado non vou poder ir polos puntiños a Lugo.

16 nov 2010

Mocos e distancia

Non teño dúbida de que a molladura do domingo algo me afectou; teño un pouco de atasco pero nada que me impida arrastrarme polos parques da vila así que aló me fun que hoxe quería facer rodaxe de 1 hora. O sportypal toleou pero non debín facer mais de 14 km o que non está mal dado o meu estado de "falta de forma".

15 nov 2010

Afuranchando...

Outra de auga, pero desta mal que non daba respirado correctamente.

100+1000+100

14 nov 2010

Martiño, Magosto, Molladura

Bueno, ás 7 da mañan fun valiente e collín o coche para ir ata Ourense no medio dunha arroiada de auga que facía presaxiar que non o ia pasar nada ben na capital das burgas, pero por sorte errei.

Ó chegar a Ourense o día abrira e o sol escomenzaba a asomar; tiven que esperar un bó rato para colle-lo dorsal e aproveitei para falar con xente que facía tempo que non veía. Logo saín pasear para comproba-lo magnífico ambiente da proba e tomei un café cos amigos do C.A. do Deza. FotoKedada do foro, quencemento, preparativos e para a saída.

Quedei colocado un pouco atrás de mais e xa perdín alí 30"; logo fun adiantando xente que ia andando ata a ponte romana que xa puiden coller o meu pasiño... Segundo os tempos do SportyPal fixen boas medias nalgunhas zoas da carreira. Pasado o campus tiven ocasión de facelle unha homenaxe a Esther Pedrosa grande atleta do noso país que segue demostrando o seu amor polo noso deporte e que "quen tivo retivo".

Meta 43'57" oficiais (43'10" reais) 836 de 2900 chegados; nin ben nin mal disfrutei da compaña e fixen o que me gusta.

12 nov 2010

Media e media non son unha

Bueno, tras tres arduos e longos días de "reposo academico" que, como mal menor, me permitiu voltar a sentir ilusión profesional; voltei a trotar para determinar si vou ou non á San Martiño o Domingo.

A saída numéricamente foi moito mellor do que pensaba 8,2 km en 37'36" (4'36"/km) non é malo para estar sen adestrar en semanas e levar meses sen facer series ou outro traballo de calidade. Pero a molestia na coxa non desapareceu si ben é certo que non foi a mais polo que semella estar en 'estado cicatricial'.

Así que corrín con media perna esquerda por mor dos vellos problemas de ligamentos e menisco e con media dereita por mor dese problema no biceps crural. E non, non podo dicir que corrín con unha perna, corrín con menos.

Haberá que intentalo.

7 nov 2010

Negreira e problemas

Bueno, hoxe tocou trotar en compaña de unha boa tropa. Voltei á que consideraba a 3ª popular de Galicia asaltado polas moreas de lembrazas dende o trazado vello da estrada na que facía as miñas saídas na bici nos anos da uni.

A organización da proba estivo ben, moi ben. Cecais só se lle pode suxerir que fagan a saída 400 mts mais atrás onde a estrada é mais ancha que seguro que non lle quita vistosidade e si se vai dar líquidos en vasos haberá que poñer onde botalos que o lixo é a peor lembranza que pode deixar unha festa deportiva e ademais calquer corredor pode esbarar con eles.

A carreira non me saiu mal para o meu estado de forma, pero o certo é que dado o problema que me apareceu na coxa dereita, e que aínda non teño definido, foi de sobresainte.

Fixen 43' (4'13") segundo a clasificación e quedei no posto 237 de 590 chegados. No gráfico do sportypal vese o momento no que 'pincho'



Bueno; como queira que esta semana teño mala combinación coa actividade profesional non quedará outra que reposar... ata a San Martiño.

5 nov 2010

Modestia; aló vou.

Non é que me alarme; é simplemente que pensei que tardaría mais... Hoxe fixen 43' de rodaxe sempre tentando manterme en boa sensación sen importarme o ritmo, de feito non levei o mobil e non sei a distancia. É igual a cousa é ir collendo fondo.

1 nov 2010

Reinicio

Hoxe primeiro trote tras 15 días sen correr. 38' para 8 km da volta curta de campo.

Teño pendentes de anotar 3 adestramentos e a Media maraton de Albert Town.

17 oct 2010

A Media das antipodas


 Escomenzo a repesca das actividades deste mes coa participación na media maraton das River Run Trail series en Albert Town, Wanaka (Nova Zelandia).


Teño que dicir en primeiro lugar que a organización resultoume impecable ainda que a taxa de inscripción 45$NZ (uns 23€) semella algo cara pero que si ben non dan camiseta conmemorativa si que prestan moita atención ós participantes antes, durante e ó remate da proba por exemplo entregando unha folla con exercicios de estiramentos previos e posteriores á carreira (fotocopias do famoso libro "Estirandose") e un bono para masaxes na cidade cercana de Wanaka (unha visita imprescindible) Para proba estes servizos portátiles montados nun remolque perto da zona de saida/meta.


Comentar que dada a pirámide poboacional do pais esperaba ver tanta xente nova como vin, o que non esperaba era que participaran mais mulleres que homes tendo en conta que se trata dunha media maraton pero ahí están as clasificacions...(PDF) e ista foto da saída.


A proba foi toda por unha pista de terra e pedras cun perfil non chan mais non moi esixente; como queira que o SportyPal esixia que actualizara os satelites e iso me custaba cartos pois empreguei o NaviMap para facer un track que agora subín ó SportyPal (por certo, con novidades).

A medición doume 20.75 km que me levaron 1h e 36' o que ven sendo mellor do que contaba ainda que rematei algo canso notando a falta de adestramento de toda 1 semana e a longuísima viaxe de facía 3 días. Ó final tiven que disputar o sprint con outro participante...


Penso que tiven sorte de atopar esta proba que se adaptaba ó noso plano de viaxe perfectamente só lle faltaba ter sido na zona de Kaikoura que é onde cadran exactamente as antípodas de Ponferrada.

8 oct 2010

Derradeira rodaxe "boca arriba"

E xa está; rematou o que se daba. Non me saiu ben; cecais ceei pouco, o certo é que tiven que baixar o pistón moito porque me sentín algo mal...

9.5 km 46'

Pero agora só pensar na festa e na viaxe... a verdade é que só levo roupa para unha rodaxe antes da media... a ver si atopo un sitio para eso; logo xa o resto da viaxe... O que sexa.

7 oct 2010

Derradeiras pedaladas antes da primaveira

Collín a "auga" antes de marchar cara á primaveira... cando volte xa só poderei saír nas fin de semana e antes ten preferencia ir á colleita de puntiños, así que pouco vou poder disfrutar dela.

Hoxe 40.5 km 1H24'

1 oct 2010

O dia de dar pedales

Hoxe mais ca nunca había que saír a dar pedales... o ciclismo somos os que disfrutamos da bicicleta e non ese lamentable espectáculo de intereses e mafias que fan o que sexa para eliminar ós enemigos.

Fixen o roterio de Sorribas (40.5 km) en 1h27' pero o Sportypal voltou a tolear...

30 sept 2010

2 minutos

Esa é a diferencia entre o adestramento de hoxe e a madrugada do luar do luns...

9.3 Km en 44'

28 sept 2010

Conxestión, Natación

E me veu visitar o catarro (ou a gripe A esa...) pero bueno, polo de agora moqueo e pouco mais.

Natación 50+1000+3x50

27 sept 2010

Luar recuperador

E hala; tiña que facelo e o fixen... fun correndo ó choio que logo xa non sei en cantas horas poderei facer nada. Foi moi chulo o tramo de Columbrianos a Fuentesnuevas correndo baixo o luar (co foco apagado e sen luces na estrada) veia prefectamente; non estaba canso, só conservador e aínda así fixen tramos ben.

9.5km 46'

26 sept 2010

Media Maraton Cidade de Vigo 2010

Bueno, acudín a esta media coa premisa de facer puntiños e quería facer un bó esforzo e aproveitar para saudar a tódolos coñecidos que participaron nesa proba... grande a familia do CARMA que estreaba uniforme.

Saín ben situado e con gañas de aguantarme adiante por aquelo de que eran tres voltas e non soporto ser dobrado... o ritmo que collín de saída me resultaba dabondo e soportable, pero pensaba que perdía demasiados postos así que tentei tirar algo mais enganchándome cunha xente no camiño de volta (co vento de frente), pero xa no paso pola perigosa curva de 180º me quedei atrás e fun allcanzado polos compañeiros do inicio; repetín a manobra nas tres voltas ia un rato coa xente que viña comigo e o chegar a Bouzas enganchaba con xente que nos adiantaba... Os tempos de paso non me preocuparon ata o km 15 no que vin que podía baixar da hora e media e me emocionei un tanto; logo fun aguantando como puiden, procurando beber e manter un ritmo dentro do soportable e cheguei ó derradeiro xiro e botei o resto... ata o km 20 logo funme indo, pero aínda así fixen 1h28'13" o que non está nada mal; malia a sensación de "oportunidade perdida" que deixa un día así.

Organización: Para o pagado, ben. Servizos (consigna, duchas, entretemento para os nenos...), Postos de auga e isotónica, boa bolsa de xantar, camiseta técnica...

24 sept 2010

Baixo a lúa colleiteira

Outra de mañan o SportyPal toleou de todo... vouno desinstalar e voltar a poñer a versión anterior.. Fixen o traxecto (9,5 km) en 44'. Quixen aproveitar esta primeira lúa chea do outono (Harvest moon - lua colleiteira)e correr sen o foco, mais as nubes non estaban pola faena.

22 sept 2010

Icongnito

Hoxe o SportyPal toleou de todo... e o malo é que fun sen crono así que sei que fixen mais de 1h correndo... pero nada mais.

21 sept 2010

Re-aprendizaxe

"Auga" e mais eu temos moito que aprender e que amosarnos... hoxe leveina por outro dos meus roteiros preferidos no bierzo: O roteiro de Arganza-Sancedo.

O SportyPal voltou tolear (ou o GPS) menos mal que aprendin a edita-lo mapa.
52 km (o que non cadra co que medín co MapMyRun) en 1h50' (e daquela tardara 1h 56') eu sego a pensar que é por mor de que envolvo moito o mobil en plástico para non mollalo.

20 sept 2010

Madrugar para gardar

Outra de nocturna...ou case. Boas sensacions malia a paupérrima media.

10.4 km en 50'

19 sept 2010

Going home

Bueno onte noite de sábado nas festas dunha vila moi querida para min e cheguei hoxe ás 2 á cama así que unha rodaxe de recuperación 1h10' a 4':50" polo parque do pontiñas.

Dende hoxe só colgarei os gráficos de Sportypal das Kan-rreiras que senon o mister non pode segui-los adestramentos no blog.

17 sept 2010

Rendemento contra o vento

Hoxe estaba posto o "ventilador do noroeste" e xa saben os bercianos versados que é fastidiado circular pola N-VI co aire pegando do lado polo que pasan os camions de xeito que cando un pasa te absorbe e te rexeita...

40.3 Km en 1h 21' (29,7 km/h de media) Non estivo mal para como pintou e, todo hai que decilo, eu non fixen ningún esforzo especial nin cando me pasou un tipo a toda velocidade detrás dun camión de cemento... menuda velocidade que levaba; eu iba (segundo sportypal) a 33 km/h, o tipo iria a 50 polo menos.

16 sept 2010

Pensando na auga

Hoxe colleume do revés... non sei si sería a trona, pero andiven cabreado dende media mañan. O caso foi que fun nadar e dandolle voltas á vida nunha piscina de 25 metros afoguei ó mal rollo nos 1250 mts de longo e saín como un chaval alegre de topa-la moza na porta para irmos xuntos dar unha volta.

15 sept 2010

13 sept 2010

O mellor percorrido o peor tempo

Animeime cos bó rendemento de onte é no canto de ir nadar quixen ir probar a bici no percorrido que sería o ideal a non ser pola subida entre Carucedo e A Barosa. Non me saiu moi ben, pero disfruteino.

53.5km 1h56'

12 sept 2010

Duplicado mellorado

Bueno hoxe doble compromiso; pola mañan acudín a Coruña para facer puntiños na carreira de A Torre e abofé que me pagou a pena a viaxe: Por primeira vez dende vai 6 meses corrín por baixo de 4'15" (a min dame a 4'09" e a CHCH a 4'11") 7,040 km en 29'24" (29'23" para CHCH ¿¿?? ) 108 dun total de 687 chegados á meta.



Foi unha boa experiencia tamén no aspecto humano porque cadramos alí moitos dos participantes no circuito i é que o feedback do twitter está ben, pero non hai como verse de cando en vez.

A MILLA DE O BARCO

Pola tarde acudín á milla de O Barco por aquelo de que é a vila da miña moza e do meu clube... foi unha boa tarde de Atletismo; Dani acadou o terceiro posto na súa carreira e disfrutou dela sen ter tanto nervio e eu aínda que empeorei a marca que tiña nesta proba ata os 5'56" pois me sinto contento porque voltei a correr por baixo dos 4'/km aínda que fose nunha milla.

Non me manquei e disfrutei. A carreira elite deu a sorpresa coa vitoria de Victor Arias tras unha emocionante recta de meta entre él, Jesus España e Lolo Penas.

10 sept 2010

Lixeira melloría sen aspaventos

Outra saída na bici nun día perfecto; non acadei os 30 de media, pero as sensacions non foron malas...

40.5 km 1h21'

9 sept 2010

Mellora matutina

De cara ó tema de menos a mais... as sensación foron boas e fixen algo de menos tempo que o martes. 9.5 km en 43'35".

8 sept 2010

MillaEncina 2010 Eu un 0, a organizacion un 8 e o futuro un 10

Pois desta o fixen mal, moi mal e non calculei a volta a Ponferrada... ou sí a calculei ben, pero contando cun retraso que este ano non houbo. Total que cheguei ó sitio cando os galgos estaban correndo unha proba, a masculina cun altísimo nivel e unha disputada recta final que gañou con autoridade o campion Arturo Casado por diante de Pentinel e Lolo Penas.

Tra-la entrega de premios homenaxeouse a Sergio Gallardo (o programa dí que se retira, pero alí non se mencionou) e se fixo unha declaración moi interesante: "Lucharemos desde ya para organizar en Ponferrada un campeonato de España (de atletismo)".

Bueno, día en branco salvo pola andaina Cedeira-San Andrés... mañan matutino e "día a pensión completa" e xa ven o finde.

7 sept 2010

Matutino

Hoxe o Sportypal toleou... aínda menos mal que funcionou o crono: 9,5 km en 44'20"

A verdade é que mellor que o que pensaba. Teño xa feita a inscripción para a carreira da Torre de Hércules, que a mini-trail de Lugo non puntúa e eu neste inicio de circuito só me preocupo de acumular puntos que logo non sei como voltarei da viaxe.

Xa terei tempo de me preparar para algunha xeira de monte...

6 sept 2010

Relax at the swiming pool

Día tenso, tarde desaproveitada para ir pedalear antes da choiva e...

Natación (pisc 25 mts) 50b+100+50 pernas+10000+50b+50 pernas+50

5 sept 2010

Media maraton de Petín 2010

Afundimento ia eu titular esta entrada... pero o cálculo que fixen se cumpriu e a segunda media ben requería unha "reserva extra" así que as pésimas sensacions do principio me axudaron a conserva-lo sentidiño e o amigo Beauvais me deu o punto de optimismo preciso para cumplir.




A clasificación oficial otorgame 1h37'25" e o posto 89 na xeral. Segundo sportypal 1h 37'30" (4'36").

Os tempos mostran que na segunda mitade malía a ser mais dura "corrin" mellor, insisto gracias a Beauvais que me animou e incluso me esperou nalgun tramo; de feito pasamos o control en 54' e chegamos á meta coa xente que pasara o control 3' antes.

Resto da crónica.

POR PARTES: A carreira: Eu persoalmente coido que é un percorrido moi fermoso sen perigo porque apenas circulas por estradas xerais, mais "DURO"; eu penso que mais duro que Betanzos porque as costas que ten as concentra mais na segunda mitade do percorrido e o final non é chan senon que é un contínuo sube-baixa.

A organización: Eu non botei nada en falta...cecais mais zona de aparcamento para os participantes e algo de sombra na meta.

Ambiente: Estupendo, xente coa que contacto de todas partes: Basurco veu na bici dende Villafranca, estaba tamén Capelo, 'Quini' e algun mais dos bercianos. Moita xente do clube ADAS (Bao, Manuel, Javier...) e moitísima xente do foro de Correr en Galicia que participa no circuito. Así que o quencer foi un saudar constante a xente o cal é agradable e a meta e un contínuo opinar entre coñecidos comparando esta proba con outras e falando das seguintes probas do mes.

3 sept 2010

Arrinca o circuito 2010/2011 con forza i eu con estes....

Tempos.

Ando como unha alma en pena... e será estres? non vos sei, dende o venres non vou e punto; mais o domingo acudirei a polos primeiros puntiños do circuito que acaba de abri-la súa inscripción.

Hoxe 8 km 37'55" (4'44")

2 sept 2010

Non ben, mais non tan mal como pensaba.

Hoxe tocaba correr; coa tardiña no roteiro básico



13.2 km en 1h2' (4'43")

A predicción para o domingo é: Moito sufrimento e poucos puntos... 1h 35' e gracias.

1 sept 2010

Pagando a factura

Hoxe tocaba a de correr, mais cando vin que a tarde abría me animei e decidin sair na bici.

Non me saiu moi ben, supoño que por levar 4 sesions en 48 horas e por riba non calibrei ben a temperatura e tiña algo de frio. Sego a facer o mesmo roteiro porque quero ter as pernas ben afeitas antes de tentar facer outras rutas.

31 ago 2010

Triatlon virtual o día do pelo solto

Rematei o tri "virtual" esta mañan con 9,5 km en 45'

E pola tarde fun despedi-la piscina de 50 mts no que eu chamo o día do pelo solto...porque ó ir 'tododios' sen gorro pois...iso.

Natación: 50+1200

Este ano saqueille rendemento ó bono familiar...32 km de natación así en bruto; pero supoño que debera probar a ir ó embalse ou ó lago de Carucedo.

30 ago 2010

Volta ós 30 e mais

Bueno, xa iba sendo horas que coa "auga" puidese voltar a facer unha ruta a 30 de media ainda que fose unha chan...40.4 km en 1h 19'.



Para 'celebralo' logo fun e metinme 50+1000 de natación.

29 ago 2010

Estrea, recuperación e plan de puntos

Bueno, estou moi enfadado co que me pasou na carreira e, sobor de todo, co que pasou dempois que me impediu ir ó mini tri de Cambados... Hoxe nada mais cheguei da fin de semana botei man da camiseta que deron na II ruta sacra e saín ver o que podía correr cos 28º que había...

10.8 km en 50' (4'36") Non estivo mal; mais que nada polos ritmos das zonas que decín 'controlar' porque ia doado...

Así pois inicio o circuito correr en Galicia de carreiras populares 2010/2011 neste novo rol de 'aínda mais lento' e coa teima de mante-la primeira división na individual e axudar á miña equipa (LOS ÚLTIMOS DE FILIPINAS) a quedar entre os 10 mellores da primeira división. Para elo debo facer moitos puntos antes da pausa do "mais lonxe posible" o que implica: Correr o día 5 en Petín, o día 8 a millaencina (esta non puntúa, mais mola correr en casa), o día 11 o minitrail do fluvial, o 19 o cross de Penedos do lobo, o 26 ·····, o 3 de Outubro (si as guardias o permiten) ···· O que mais me pesa é que non vou correr a milla de O Barco o único ano que non me cadra coa carreira de penedos porque teño que traballar...

27 ago 2010

II ruta sacra de Cacabelos

A proba: unha andaina-carreira polas ermidas e igrexas do concello de Cacabelos organizada por Chus Alonso e coa axuda do concello e a D.O. bierzo. 15 km cun perfil cheo de tachuelas ata o km 10.

Ambiente: moi bó malía non haber unha grandísima participación (difusión escasa) da xente habitual do bierzo botamos de menos a algún(ha) mancado ou de viaxe.



Eu: Pois eu estaba moi animado pensando en trotar con xente e tal, bebín pola tarde e antes da proba porque sentía calor e quencimos o xusto. Saimos a un ritmo soportable e falando con Basurko da súa preparación para as probas que vai facer, subimos Pieiros xuntos e no tramo cara a San Clemente xa se acelerou a cousa e me fun deixando caer pero por cuestión de ritmo natural... na costa de San clemente aínda me sentín normal e subín con bó ritmo...xa na baixada cara a Villabuena non me vin fino e a camiseta me agobiaba así que a quitei, dinme conta que ía mal cando me tiveron que avisar do desvío cara á capela de Villabuena e na subida non era quen de seguir ritmo ningún.

O resto é a historia dunha páxara como un templo, o que aínda me sorprende son os ritmos que saen no Sportypal pois saíndo de Quilós hai tramos que marcan 4:30 e non me semella a mín que fose a ese ritmo...custoume moito chegar pero sabía que si paraba ia precisar asistencia así que seguin o mais amodo que puiden.

Pasei unha noite toledana cunha diarrea espectacular mais propia dunha gastroenterite que de unha deshidratación... pero coido que vou ir a Cambados ó triatlón.

26 ago 2010

Afacendonos

Como unha parella que se decide a convivir así "auga" mais eu andamos...organizándonos e tal.

Hoxe igual que antonte e iso que había moito aire do oeste; na subida do Novo sentinme algo mais enteiro pero os datos non son significativos.

24 ago 2010

Vaia se hai diferencia¡

Hoxe estreei a "auga"... a miña nova bici.

Saín pensando que si tería que parar a facer axustes, que si non me ia afacer ó cambio, que si ós desenrolos novos, patatín, patatán...

Para non me enganar collin o mesmo roteiro do fatídico día...


40.5 km en 1h e 22' (29km/h) e iso que na subida do Novo xa sentín o curto de forma que estou... de tódolos xeitos debería seguir adestrando cunha bici mais pesada de cando en vez non si?

23 ago 2010

Constancia e boas novas

Natación 50+100+1000+4x200 rec 50 (4'16",4'14",4'20" e 4'24") Moi boas sensacions malia que os tempos foron así de malos tendo en conta que as series foron tras 1100 mts.

A boa nova foi que hoxe me confirmaron a recepción da bici nova que estrearei mañan se non xorde inconvinte.

22 ago 2010

Rabeando

Aínda non sei como me puido pasar, pero así foi. Despisteime e perdín a oportunidade de participar na carreira do diaño de Artes. Á hora da proba eu andaba tan pichi pola praia vendo a unha formación de golfiños que pasaba moi perto da costa e pensando que estaba un bó día para correr...

Xa de volta na casa saín correr 48' e teño que anotar que si ben en reposo o tema do pé dereito é doloroso, correrndo non me afecta.

21 ago 2010

Travesía do Carme dos pincheiros

Hoxe acudín a esta travesía co ánimo de facer algo mais de esforzo que nadar ó meu ritmo e non me perder..a auga estaba moi boa e había participantes dabondo como para pensar que non precisaría mirar moito para as boias como orienteación.

Na saída deixeime nun costado para non ser arroiado pola tropa de tritóns habituais destas xeiras, fun collendo ritmo e mirando para os nadadores que me pasaban pola esquerda ata que xa vin a 1ª boia perto, no troco de dirección cadrou que levaba dous nadadores perto na liña de avance e que xusto diante estaba o remolcador que facía ben de referencia así que decidín apretarme e por primeira vez neste tipo de probas achegueime a quen iba diante miña, viramos a derradeira boia e xa cara á rampa da meta adiantei a eses e a outros 3 nadadores tentando sempre apretarme no ritmo e na respiración e empregando ós nadadores de adiante como referencia.

24' non é bó tempo si realmente foron 1000 metros, pero non me sentín canso nin me desorientei o que me deixa moi satisfeito.

20 ago 2010

Fun, sun & surf e fascite plantar.

Onte (19) foi un día de repouso activo facendo algo de bodyboard na praia das furnas e paseando pola area.

Hoxe a tónica era a mesma mais na praia do Vilar...e non puiden resistirme así que coa marea baixa e o atardecer corrin os 8 km da praia descalzo...o resultado será mañan unha dor de pé tremendo pois esta fascite sufre moito co andar descalzo. Terei que ver de porlle remedio cando volte da viaxe de outubro; mentras...aguantar.

18 ago 2010

Completo

Bueno, hoxe un pouco de todo.

Pola fresca; 11 km en 49'

Logo camiñada Ponferrada-Villafranca coa tropa facendo parada en Cacabelos a xantar.

Pola tarde; Natación 50+100+1000+100

Non sei como respostarán as miñas articulacions; curiosamente nadando sentinme moi ben.

16 ago 2010

De nada vale rabear cando non se ladrou a tempo

Outra dobraxe.

Hoxe fun comproba-la diferencia entre a auga do pantano e a da piscina...esta SI que está fria, ademais comprobei como o cloro cura as feridas dos pezons.

50+400+4x200

Rabeo bastante porque onte non me esforcei moito que se diga...puiden facer ata 2' menos, pero xa non vale de nada lamentarse; por certo que buscando crónicas ou fotos atopei fotos do duatlon do ano pasado.

Estreando zapas e medindo novas alternativas

Aproveitei uns recados para facer "camiño de volta" sen prisas e proba-las novas adidas Hawk



11.7 km 55' e iso que tiven que parar por mor dun camiño cortado (por auga¡¡¡).

Descubrín porqué emprego esparadrapos nos pezons unha vez mais.

15 ago 2010

A travesia do naútico

Bueno, tocaba nadar e tiña gañas de probar o pantano...a verdade é que paga a pena pola xente e porque a auga está pero que moi boa; supoño que ir nadar aló tódolos días é unha cuestión de costume aínda que a min me metería medo que me deran un golpe cunha lancha.

Desta só me perdín un pouco e fixen a proba (1100 mts) en 22' o que ven sendo o meu tempo habitual.

14 ago 2010

Cross de Torre e circuitada.

Bueno, hoxe é unha data importante. Remata o circuito Correr en Galicia de carreiras populares 2009/2010 e estanse a toma-las decisions finais de cara ó circuito 2010/2011.

Eu pola miña banda fun correr a Torre del bierzo o "Cross de Gus" e non me podo queixar pois facer unha carreira con ese perfil a 4'32" non entraba nas miñas posibilidades hai ben pouco. 11 km en 49'54"



Moita mais xente da que eu previn e moita xente "rápida"; carreira vistosa para o espectador polo doble paso pola vila e dura para o corredor polas rampas que encerra. Eu fun ben ata o km 8 no que a derradeira subida (ou o derradeiro suministro de auga) me doblou e perdín comba coa xente coa que ia; e ainda facendo a baixada a fume de carozo xa non puiden contactar. Quedei de 43 dun total de 114

Carreira recomendable, ben sinalizada e con avituallamentos dabondo, inscripción simbólica e boas pezas para os coleccionistas.

O CIRCUITO DA DEPUTACIÓN

Estes días lin na prensa e no blogue da xente da media maraton de León que a deputación provincial vai promover un circuito de carreiras populares cun calendario unificado...as condicions ofrecen poucas dúbidas e o anuncio do circuito e das probas a incluir seica se vai producir con antelación dabondo.

12 ago 2010

Terceira dobraxe

Pola mañan corrin...8.30 km en 38' peores sensacions que rendemento...de feito seguín sudando 20' mais.



Pola tarde Natación 50+100+1600 (32') non collín ritmo porque pensei no de mañan e no cross do sábado.

10 ago 2010

Segunda Dobraxe

Pola mañan fun correndo ó choio, facendo algo de Farlek...

O Sportypal comeulle a batería ó mobil perto da chegada, no grafico a pantalla completa vense ben os trocos; a media está mal calculada polo coñecido fenómeno do xiro de 180º que impide ós GPS facer ben os cálculos.

11.700 mts en 55'



Pola tarde Natación: 50+100+6x200 (rec 50). Boas sensacions.

9 ago 2010

Refrescando

Natación 20+700+8 voltas seguidas á piscina de 50 (+/-120 cada volta) nada que ver co mar de onte nin por axitación nin por flotabilidade...

8 ago 2010

A ruta do pontiñas

O amanecer no deza foi fresco, non fixen unha gran media, pero adestrei que é o que suma.

14.2 km 1h08'

6 ago 2010

Ben de fondo mal de forma

Hoxe era inexcusable ir correr, porque mañan non sei si poderei e con 34º e cansado de durmir mal pois as cousas só teñen unha saída:

11 km 52'

5 ago 2010

Mais natacion

Dado que non sei ben que vou facer esta finde penso que é mellor sermos conservador e tentar correr o sábado mais o domingo pola fresca da mañan así que hoxe..auga.

50+1000+200+100

4 ago 2010

Trampeando a bici

Como non quero que a pequena mellora (20" por km) acadada se vaia ó traste e penso que se debeu en boa medida o mellor tono dos cuadriceps gracias a unha maior frecuencia de saídas na bici (que non porque os percorridos fosen longos ou duros) decidin sair na bici que teño "urbana" ainda que sexa unha estampa algo ridicula.

Hoxe só fixen 45'; iso si, movendo desenrolo grande todo o tempo. Será o que me quede ata o 23 de Agosto, eso e rezar para que se cumpra o prazo de entrega.

3 ago 2010

Dobraxe e complicacions no Kanlendario

Hoxe dobrei: Natación 50+100+4x250 Sentinme moi ben e estou rabeoso por non ter bici.

Teño que facer malabares de aquí a Outubro para poder cumplir os caprichos que me propoño; ir a un triatlón está complicado pois ó de Allariz o 21 VSQN que non terei bici ata o 23 e o de Cambados semella a única opción...Antes irei ó cross de Torre o 14 e rezarei para ir á carreira de O diaño en Artes (ribeira) o 22.

Para logo queda o tema da media maraton de Petín (o 5 de Septembro) que me temo que vai cadrar coa milla da encina en Ponferrada pero que ten prioridade por ser unha actividade "de clube"; e a Maraton de Penedos do lobo (o 19 de Septembro) que vai cadrar ou cos milla de O Barco ou coas festas de Lalín pero que xa non quero que pase mais tempo sen "mete-la no saco"...quédanme na 'reserva' a media de Vigo -nautico- o (26 de Septembro) ou a Maraton de Ourense (o 3 de Outubro).

Vaites, si un Kandpalleiro coma min ten estes problemas cales non serán as cábalas de gacelos como Lolo Penas?

Matinal de verán

Aproveitando a fresca fun nun trote cara ó choio cos peregrinos e os paxaros.

12 km 56'



Con moita mellor media que vai 1 mes...

1 ago 2010

Natación

Refrescándome na piscina de verán. 50+1500+9x50

Non puiden compaxinar o tema familiar con ir a animar a Basurco porque non se pode estar en misa e repicando.

31 jul 2010

Villanueva de Valdueza 2010

Logo dun día de moita calor na que o simple feito de dar un paseo polo centro xa facía suar a chorro achegueime a Villanueva de Valdueza a ver si me deixaban correr, porque non tiña claro eu si permitian inscripcions no día da proba.

Dende que entrei no pobo vin unha demostración de organización pensada por e para o participante; sinalización, aparcamento, bebida... evidentemente deixaronme inscribir pagando a correspondente e simbólica taxa.

Como fun cedo (para ter tempo de baixar á piscina si non podía correr) esperei na praza tomando algo mentras se formaba o ambiente... un ambiente moi recomendable de xente corredora disposta a enfrontar dous desafios nun: O perfil e a temperatura (34º). Para completa-la actividade fixeron unha carreiriña para os cativos.

As conversas iniciais xiraron ó redor do reto que Basurco vai facer mañan e de consellos para acompañalo...e logo...a quencer¡¡¡.

Saimos co alento encollido (eu polo menos) e pronto vimos que a primeira costa non era mais que un aperitivo. Non puiden manterme correndo na subida pola propia configuaración da pista e pola calor que cáseque non me permitía respirar así que fun tentando mante-lo paso. Xa na cima, na zona do castro tentei trotar pero a herba pisada e resbaladiza non mo puxo doado, a primeira baixada era como unha pista negra de esquí e fun mais lento que na subida.

No kilómetro 3,7 estaba o primeiro avituallamento con auga FRIA e unha sombrilla. Collín a botella e seguín, a organización dispuxo cestos para o lixo (como debe ser) e podo dicir que se deixou o monte como o atopamos. Logo viña xa a parte "pá baixo" e me lancei porque era unha pista ancha e o desnivel non era moito, o xusto. O tramo final ó pé do regato entre árbores foi moi estimulante e a chegada ó pobo coa xente animando un premio.

13º na meta, público acolledor, sandía e auga FRIA para tod@s e volta a falar do de mañan e das anécdotas da carreira.



Despois de chegar á meta quedei suando 15' minutos mais, falando con toda a tropa incluso fumos trotar un pouco outra cousa que non acostumo a facer e que ben me viría.
Moi agradable a compaña (Gus, Fiur, Tombrio, Che, Roberto, Tino, Pedro guerra, a xente de a entrenar.com, os de target40...lamento non ter caletre para tanto nome) e a conversa. Logo lisquei que tiña o tempo xusto para chegar a casa, ducharme, ve-la final do 5000 e ir busaca-la moza.

Total, Villanueva de Valdueza demostra que con vontade e entusiasmo pódese facer unha proba digna sen grandes alardes e que o principal capital é o propio medio no que habitamos.

20 Lembranzas...a historia dunha relación intensa.

1. A idea: A verdade é que a decisión de trocar de bici tampouco foi doada aquela vez...pero ademais do peso tiven en conta que esa bici pouco me servía para o triatlón e que era 3 tallas mais grande do que me correspondía polo que nos cruces pasaba algo de medo si tiña que botar pé a terra.

2. O financiamento: Visto como avanzaba o curso e que a residencia nos barracons do burgo non era nada cara tiña un remanente da beca dese curso así que non tiña que sablear a ningúen nin esperar a te-la primeira nómina.

3. O lugar: A xente de Compostela falabame moi ben da pequena e vella tenda de bicicletas "Velocípedo" na rúa de San Pedro e alí estiven falando co dono axustando presuposto e tomandome medidas...era Maio de 1990.

4. A estrea: Saimos xuntos por primeira vez nun roteiro que era habitual en compostela; de Compostela a Sigueiro e de alí a Lavacolla e volta a Compostela...un roteiro que sempre considerei perigoso mais que a ruta cara a Padrón ou ata Bertamirans...

5. Á casa...Aínda vivía cos meus vellos en Lalín e para aló fun nela un día de calor.

6. Aprendendo a andar cos enganches. Aínda me custou un pouco, lembro que ó principio os levaba moi frouxos o que facía que se me soltasen cada vez que me puña de pes en riba da bici ou si facía forza subindo e non tiña coidado coa alineación da perna.

7. Competición caseira. Na volta ciclista popular á comarca do Deza estreei máquina...pero non lembro si ese ano escomenzamos con CRI...


Aqui aínda loce a pintura orixinal que lle cambiei en "González" de Porriño como parte dunha revisión tentando que non me matasen na recta da estrada de Porriño a Tui os días de brétema.

8. Competición "oficial". Como queira que o clube ciclista do deza existía e nós (Mundi, Cabe e eu) figurabamos na pomada pois acudimos xuntos a unha proba a Campo lameiro. Só lembro de aquel día que Mundi tamén levou un revolcón tremendo...

9. Algunha que outra victoria pírrica... Esta foto é dun "Chámalle X"; como sempre pallaseando.


10. Triatlon. Leveina a varios triatlons, bueno, a todos os que fun dende 1990, pero non teño fotos daquelo (e ben que o lamento).

11. Lugares variopintos. Leveina comingo a varios viaxes; ainda onte Nieves lembraba que "ela veu connosco a primeira vez que viaxamos xuntos" foi á localidade portuguesa de Torreira (perto de Ovar) onde saín varias veces con ela. Fixen moitas rutas con ela, en Compostela e de alí a Noia (Boa), en Vigo, en Tui (Guillarei), en Lalín, de ferrol a Cedeira...

12. O parón. Os anos de parón nos que non facía deporte non foron tanto para ela pois en Verín aínda fixemos varios roteiros xuntos pasando a Portugal nalguhas ocasions...

13. A volta. Cando escomenzamos a pasa-las vacacions en Aguiño vin a oportunidade de voltar a andar mais con ela por roteiros que coñecia de outras épocas... Collín fondo e case mellorei nalgun aspecto, por exemplo subindo a Iroite ou Á Curota.

14. O Bierzo. Tamén escomencei a sair en bici polo bierzo buscando rutas mixtas que tivesen algo de monte e de chan co obxectivo de mover desenrolos grandes e de coller forza nos cuadriceps para mante-lo menisco esquerdo a raia. Tamén fixen moitas rutas de Ponferrada a O barco.


15. Levando paos. A foto anterior (de 2007) me lembra as moitas caídas sufridas con ela e as dúas 'fracturas de cuadro' que tivo, mais unha de 'Tija de sillín'...Unha das caídas peores foi a que tiven unha semana antes da travesía dos montes Aquilianos de 2006.

16. Participando en rutas cicloturistas. Como queira que sei que o meu futuro ciclista vai cara ó cicloturismo me iniciei na Marcha cicloturista rias baixas en Xullo de 2005.

17. Volta ó triatlon. Foi en Allariz 2005 cando aqueles pavorosos lumes levaron por diante o monte de Monterrei en Verín.

Estoutra foto é no triatlon de vilagarcía de 2008, empregando o manillar de triatlon (versión 'feito na casa').


18. Collendo fondo.. A verdade é que este ano non andiven moito con ela e estou "fondón" pero ela ben sabe levarme

19. Á casa sempre se volta...fixen varias saídas polo deza nesta segunda época tanto só como en compañía


20. O derradeiro golpe. Eis a fractura de cuadro que remata con esta xeita...tamén se ven as soldaduras das dúas anteriores roturas. Aínda foi raro que non rematara de partir na saída de onte.


Agora vaime prestar o derradeiro servizo doando compoñentes para a vindeira adquisición.

30 jul 2010

Día tristísimo: rematan 20 anos de relación.

Saín dar unha volta rápida na bici porque dende as 8 había que estar atentos á tele (semifinal de 1500 femeninos, final de 3000obstaculos femenino, 800 femenino e 1500 masculino) e non quería deixar pasa-lo día en branco.

Tiña medo da calor, tiña medo de estar recén xantado, tiña medo do cansanzo de 36 horas hospitalarias...pouco podía imaxinar eu que o sono de sair coa miña bici camiño do traballo o día da miña xubilación rompería ó paso por baixo da autovía en Camponaraya... Rachou o cuadro da miña bici por 3ª vez e definitiva...seguín andando si, e fixen boa media nalguns tramos o que indica que vou collendo forma ou iba collendo forma porque agora toca esperar.



Foron 20 anos de experiencias con ela dende que a mercara cos cartos da derradeira beca de estudante universitario aló en Maio de 1990...desta non chorei porque era un risco que tiña asumido pero doer doe.

29 jul 2010

Outra matutina

Outra volta aproveitando a fresca da mañan....



Non me saiu moi aló, pero tampouco tiven malas sensacions salvo algunha molestia articular ó principio e un pinchazo do menisco esquerdo no remate que non semella ter pasado a maiores.

28 jul 2010

Natación: 1800

Foi o mellor que puiden facer, porque aínda así segundo saín da auga sentin un calor tremendo...calquer outra cousa houbera sido temerario tendo en conta que non estou a preparar nada en concreto.

27 jul 2010

Dia de critica

Hoxe tomeino de reposo churrasquero (tanto por fora como por dentro) e me adico á crítica do do Sábado.

a) DEBE MELLORARSE:

O avituallamento; non se pode permitir baixo ningunha escusa que nin durante a proba nin ó remate da mesma a xente non teña cando menos auga para tomar e mais si se trata dunha proba que se fai no verán.

b) SERÍA BÓ MELLORAR:

A saida: o punto de saida tan perto da rotonda...púdose poñer no lateral do estadio (onde estaba o quencemento) ou mover a meta.

Si se trae un invitado de categoría...facelo notar un pouco mais sobre todo si é tan aberto e amable como Martín Fiz.

Do tema horario non falo, que igual ata foi premeditado...pero abri-la entrega de dorsais a 600 participantes unha hora antes da saída e ó mesmo tempo permitir inscripcions...

O peche do tráfico mellorou respecto ó que coñezo, pero aínda lle falta sobre todo na 2ª volta do percorrido e iso que eu este ano non tiven problema porque as rapazas da despedida de solteira da avda Perez Colino foron ó seu sen se meter conmigo.

Para acadar categoría hai que HOMOLOGAR o circuito e facer esta homologación visible, tras 3 edicions cun circuito básico estable só queda determinar ben os puntos de chegada e saída e ter aspiracions para pagar o custe da homologación e botarse a por un campionato nacional (por exemplo).

Si a proba forma parte dunha competición multiproba do tipo que sexa debería constar na cartelería e falarse dela na megafonía do evento... non é de estranar que aínda hai xente que non sabe de qué vai a Liga atletica del bierzo e si a media puntuaba ou non.

c) Outras herbas:

As duchas seica estaban fervendo...claro, o sistema de auga solar termica un día de verán...sería un problema técnico.

Sinalar o circuito con frechas de outra cor que non sexan amarillas que logo botamos 4 días reorientando peregrinos...e non é broma.

Hai compañeiros que miden a calidade dunha proba pola "bolsa de corredor" eu coido que para 5€ estaba mais que ben, pero....e faise raro que non se engada na mesma ningún material de promoción turistica da cidade e do bierzo.

Facer unhas carreiras complementarias para cativos ó redor do pabillón...

d) Manter:

A implicación da policia municipal: numeroso persoal facendo toda clase de funcions.

O circuito: coas melloras sinaladas arriba. A min gústame, só ten a costa esa do final da avda das hortas... o paso polo centro dúas veces é moi estimulante.


E xa está, espero corre-la 4ª (salvo que estemos de vacacions)

26 jul 2010

Natación e grande Basurko

Hoxe era un dia de KALOR e non quedou outra que pasar a tarde na piscina e fixen dúas sesions:

a) 100 + 2*200
b) 1500

Mentras nadaba pensei no correo que rebin hoxe de basurko anunciando o seu dobre reto para este domingo "de puerta a puerta" mais para Outubro facendo todo o roteiro da prata dempois de cruza-lo estreito a nado (non facer bromas cos inmigrantes). E a verdade é que me gustaría apoiar semallante demostración de solidaridade.

25 jul 2010

A diferenza entre pinchar e facer media maraton

Mentras editaba "La Grange" para polo no mobil lembrei ó amigo BaoEs andando na bici e dixen...qué ca... e collín a bici para dar un paseo.




Pódese ver que salvo no tramo sinalado (o do pinchazo) a cousa non iba mellor... pero bueno, tiven azos de sair e completalo percorrido.

Media maraton de Ponferrada 2010

Acudín a esta de "correr na casa" con sensación de que non ia disfrutar senon mais ben a sufrir para rematar nunha nova Peor Marca Persoal... o sol da tarde daba moita calor e non corría gota de aire, perveía unha mala xornada.

Cheguei e esperei na cola ata as 20:30 que abriron a entrega de dorsais (só 1 hora para dar TODOSLOS dorsais, pouco tempo.) e me puexen na sombra do estadio a perpar-la kanmiseta e a repousar. Logo acudín á kedada, pero a xente estaba aínda na cola dos dorsais así que aproveitamos BaoEs e Eu para nos facer unha foto con Martín Fiz (moi atento con toda a xente que llo pediu).


Logo fomos ata a zona de consigna a deixar a mochila, alí topamos a mais xente do foro coa que fixemos o quencemento e, como non, con moita xente do bierzo que acudiu a esta proba (e coa que xa coincidira en Busmayor) porque "na casa non se debe fallar".

Por último atopei xente do traballo que tamén lle dá a esto do correr, algunha faloume e outra non, que se lle vai facer.

Con mais de un cuarto de hora de retraso sobre o anunciado deuse a saída (que eu penso que era algo programado por mor dos cortes de tráfico en toda a cidade) nese intre, caeume a chave do candado da bici e a piques estiven de parar...pero dixen "ó car..., logo a busco ou corto o candado" e seguín. Fungando, fungando fun adiantando algunha xente e buscando un ritmo que me resultase soportable e resistible. Xunteime a un grupo de coñecidos e fun con eles como o percorrido era o mesmo que vai 2 anos sabía cando iamos pasar polo centro que foi donde facía mais calor e o pouco público que, cómodamente sentados nas terrazas, animaba ós que corriamos.

Tras do paso polo km 8 sentín a primeira pancada no xeonllo esquerdo e, claro, baixei o ritmo...pero aguantei. Na primeira volta rematei recuperando o paso e bebendo, cousa que non tódolos participantes poden dicir e que, aínda que doa, é un fallo grave. Levei de ollo a unha xente diante miña ata o km 12 no que xa o cansanzo me pasou factura e afrouxei, aínda así conquerín (coido) pasar o km 14 en menos de 1h. No Km 17 sin que eu o soubese o meu mobil quedou sen batería así que só teño gráfico ata alí.



Eu seguín correndo, claro e a verdade é que tentando manter un ritmo digno. Claculei que iría para 1h32' e quixen manter esa marca. No km 19 antes da derradeira subida vin a Alex Martinez e lle preguntei pola súa carreira e dixo "me fué bien"...a modestia dun campeón. Rematada a costa empezei a apretarme e no derradeiro km me topei moi ben. Chegando á meta sprintei ata que collín a un na recta e o fun empuxando para pasar xuntos a meta. 1h32'. Posto 54, só 3 peor que vai 2 anos.

Xa na meta souben que Alex gañara a media maratón cun tempo de 1h7' (moi boa marca) por diante de Martín Fiz que entrou segundos dempois.

Bueno, outra para o saco e non me maquei; o sei porque hoxe pola mañan fun de paseo coa moza ata a ponte de Molina e sentín moi ben as pernas.

23 jul 2010

Last session before...

Bueno, outros 50' no mesmo circuito do outro día. Seica son ineficiente...porque fago o mesmo con menos: o mesmo tempo con menos cansanzo. :) e, como dí este artigo, con mellor humor.  En fin, faltan 36 h para a media de Ponfe e as doloriciones diversas non semellan que vaian a impedirme correr.

22 jul 2010

Consellos para espectadores da Media maraton de Ponferrada

Púxeno no foro de Correr en Galicia, pero por si acaso lle vale a algúen mais...


Dempois da saída situarse na praza de Lazurtegui (os primeiros tardarán 10' ou menos en pasar), logo do 1º paso por alí ir pola avda da Puebla, cando se chega á altura da avda das huertas esperar o paso dos corredores e logo botar a andar por esa avda cara á praza das pementeiras, alí ver un novo paso dos corredores. Cruza-la ponte "dos faraons" (reino de Leon) ata a avda de América e ver alí o paso da 2ª volta dos corredores, logo voltar ata a avda das Huertas (xa non ves pasar ós primeiros -ou si, si levas bici- pero voltas a ver os corredores) e subir cara á rotonda "da conecha" (donantes de sangre -marcado cun 2 no mapa-) e alí podes ver un dobre paso dos corredores ou seguir ata a meta.

21 jul 2010

Nin moito nin pouco

Hoxe estou "invitado" nesta casa... e viñen correndo probando un roteiro algo alternativo. O sábado toca sufrir; farei 1h40' e gracias que o pé non acaba de mellorar e agora presento uns formigueos na cara anterior da perna que son sospeitosos.

20 jul 2010

"collendo" auga

Bueno, hoxe disfrutei da natación... o día non invitaba, pero a auga estaba boa e eu estaba soiño así que fixen 1500 e só ó final me decatei de que no canto de facer de lado a lado debín dar voltas todo ó redor...houbera sido divertido.

19 jul 2010

Kandpalleiro contra o secador do oeste e as pedriñas

Bueno, a dor do pé non me recomendaba correr así que me botei á estrada con 36º de temperatura, sopraba unha brisa do oeste que semellaba o aire dun secador. Ata o km 25 todo ia ben, incluso mellorara a media de vai 1 semana pero... o arcen da N-VI voltoume a xogar unha mala pasada e pinchei, como non teño bombín pois escollín facer os derradeiros 15 km así...

18 jul 2010

Samil

Fai uns anos participara nun triatlon de exhibición nesta querida praia pero xa facía moitos anos que non adestraba por alí...

Hoxe, aproveitando o día de exhibición aérea fixen a nado ida e volta a praia de Samil dende o club de tenis (zona 4) ata o carril de segruidade uns 1200 mts. Logo de xantar a envexa de ver tanta xente a correr me fixo botarme a min tamén a dar unha volta correndo (4 km) pero ó meu pé dereito sentoulle moi mal, tanto que arestora, xa na casa, aínda me molesta e moito.

Mañan farei a proba definitiva para ver si poderei resistir a media ou será mellor 'pasarme' ós 10 km... e, por certo, hoxe ás 21:30 30º en Ponferrada.

17 jul 2010

O Bao

Finde de xullo desprazamento para visitar e disfrutar, praia de O Bao; 800 mts

16 jul 2010

Sen forza mais con brio

Así ando eu, corro con gañas pero un 30% mais lento...



Non sentín moita pena de non poder ir á ruta da froita de Carracedelo, o programa familiar compensaba. En fin, haberá que se apuntar á media nocturna...

15 jul 2010

Revoltallo na auga

Voltei a nadar; 1250 mts en 25' non está mal para levar tanto tempo sen porme a elo e soubome a pouco.

Arestora non sei si mañan irei correr á carreira da froita, a axenda familiar me ten en ascuas.

14 jul 2010

Contra o ventilador do oeste.

Collín a bici para dar un paseo...



Non me saiu nada ben, pero disfruteino. As comparacions son odiosas pero sirven para ver como cae un...


Foron 4' mais que o outro día...pero eu non me sentín tanto peor.

13 jul 2010

De volta

O de hoxe foi un adetramento de rabia... por non poder adestrar mais estes días.

1h 5' 14km.

10 jul 2010

Outra carreiriña 55' polo paseo maritimo da praia de San Lorenzo en Xixón.

9 jul 2010

Teimando malia as consecuencias...

Teño o nocello dereito destrozado, pero teimo en correr a media que teño na casa o día 24 así que hoxe fun facer 40' pola beira do mar en Xixón. Cando o nocello non me mancaba puiden tratar de correr pero penosamente.

5 jul 2010

Recuperando na lembranza

Tocoume face-la rodaxe recuperadora en Valdeorras; 30' pola pista de Viloval (4 veces) lembrando cando adestraba de mozo nos meses do inverno de 1991-2 que aló pasei.

En xeral ben, o problema ven cando quero baixar escaleiras...vexo as estrelas.

Agora tocan 3 despradestramentos (adestramentos+desprazamentos) un deles "sprint" de carreira de obstáculos con 'lebres' cornudas, outros dous...espero que nas praias do Cantábrico...e por certo; os choutos nos concertos, contan como adestramento?

4 jul 2010

Esforzase sen forzar

Acudín á 2ª carreira "circular de Busmayor" para facer algo diferente e coller fondo, moita xente coñecida e unha paisaxe fermosa nun día de verán na montaña que escomenzou con unha temperatura ideal, pero rematou con calor.





O Sportypal dí que foron 25.7 km (a organización puña que 27) en todo caso en menos de 3h. O perfil da proba non fala moi certo do que atopamos, subo unhas fotos que fixen.


De Busmayor

2 jul 2010

O que será que será...

A verdade é que vistas as cifras o adestramento de esta mañan foi IGUAL que o de antonte...pero que diferencia de sensacions. Eu sentinme moi ben pola fresca que é o que importa.

1 jul 2010

30 jun 2010

Sufrindo ata o limite.

Saín a "correr" a 32º 1h. fixen 13 km. e gracias... perdín 3kg de líquidos non sei si este desgaste vai traer nada bó.

Por desgracia o Sportypal toleou:


Non sei... os satélites teñen esas cousas.

29 jun 2010

O roteiro da ilusión

Saín a reatoparme coa miña loira mais que nada por non perde-lo contacto coa bici que facer non fago gran cousa



27 km/h de media non é moito, pero teño boa sensación da zona entre Cacabelos e Toral.

28 jun 2010

Reencontro longo

E voltei á piscina de 50 mts.

1500 mts en 30'.

A verdade é que a confianza fai moito, nin por un intre dubidei nin da temperatura nin de si había xente ou non...boteime a elo e punto. Agora a mellorar.

27 jun 2010

Adestrando a calor.

Hai que irse afacendo á "media deshidratación" para a carreira do 24.

1h 03' 14 km. a 27º.

26 jun 2010

Nouturnio en Celanova...

Tras divagacions varias por mor de moitos trocos e contratrocos nas cousas previstas puiden inscribirme e participar na Carreira Nocturna de Celanova.

Evidentemente non podo deixar pasar esta entrada para agradecer ó Admin de Correr en Galicia que me pedira que o acompañase no palco para recolle-la placa de homenaxe que a organización da proba lle entregou ó foro de correr en Galicia; para min é un privilexio compartir o foro con tant@s corredor@s e poder participar na iniciativa do circuito de carreiras populares.

A carreira en si; magnificamente organizada aínda que teño que reitera-las miñas precaucions ó fermoso tramo de ida e volta por unha rúa estreita da vila. Percorrido moi variado tanto por perfil como por superficies; grande participación e moita entrega do público e da vila en xeral, puidemos escoitar música en tódolo percorrido e moi variada.

Non me saiu nin ben nin mal; houbo un momento no km3 que o menisco esquerdo quixo lembrarme da súa presencia, pero non lle fixen P... caso e seguín. No derradeiro paso pola casa de Curros Enriquez botei o resto e malia que non conseguin vencer ó meu acompañante fun quen de rebaixa-la media ata 4:30 (para 7,4 km oficiais que eran algo mais) o que semella que vai ser o meu paso agora.

Polo demais destacar a presencia de moitos clubes do pais e de Portugal e a grande carreira dos meus colegas Cristian e Pepe Nercellas.

A ver si podo seguir adestrando para a media de Ponferrada e non ter mais problemas.

23 jun 2010

Segundo adestramento de "desmañotización"...35' sen moitas forzas pero noto que non hai lesions fora da uña do pulgar do pé esquerdo. Agora a pensar na vindeira seman, que non trouxen mais roupa para estes días.

21 jun 2010

Primeira sesión de recuperación: Tras unha viaxe en bus fun pola mañanciña a trotar uns 20' para comprobar que todo sigue no seu sitio e mitigar as mañiotas un pouco.

20 jun 2010

Aínda podo.

Outra para o saco.

3h:32':23" e 74 de 148

Estou razoablemente contento porque fun cómodo ata o km. 37 e a partir de ahí souben sufrir para chegar.



Non me gustaron os trocos organizativos; nin o atraso de horario nin as voltas por Toral (a costa do final sigue igual). Aínda así a organización a moi bó nivel, en especial @s voluntarios.

Agora tentar non apodrecer nesta semana de curso e, cecais, participar na carreira do fayedo de Busmayor...ou xa prepara-la media nocturna de Ponferrada.

.

18 jun 2010

Last chof¡¡¡ before maraton

Tras unha looonga xornada laboral o derradeiro chapuzón...

100+1100

Mágoa que este frescor non me dure para o domingo e que atrasaran a hora de saída... presto para sufrir.

17 jun 2010

Adestramento final

Unha mañan preciosa para correr, sen medo, sen agobio, !!sen molestias¡¡



9.5 km en 44' (axustes de tempo polo tema mochila)

Toral: Aló vou.

16 jun 2010

Natación Suiza

Tras ver como o meu fillo perdía por primeira vez 90' da súa vida diante da tele vendo un partido de futbol e sufrindo...e pasalo eu pipa no twitter cos comentarios fun nadar.

100+1000

15 jun 2010

As dúbidas resolvense preguntando

Eu pregunteille ó meu corpo e díxome: Lento, pero podes.

Hoxe fixen 1h 27' sen apenas cansarme e SEN MOLESTIAS; así que me inscribo para a Maraton de Toral co obxectivo de facer 3h 45'.

O Sportypal hoxe non funcionou...non inicializaba o GPS, espero que non sexa nada serio no mobil e só un problema na aplicación.

Mañan auga, pasado corre-guardia, venres mais auga e logo "eso"...ahhh si o tempo estivese como hoxe¡¡¡

13 jun 2010

Completando e recuperando

Bueno, hoxe volta curta de Campo (antes a chamaba 'rápida'; pero eso quedou atrás). Sorprendentemente á mesma media que onte.

12 jun 2010

Nocturna del pajariel

Todo remata por chegar e eu que aínda non fora correr esta proba "familiar" pois alí me presentei gracias á información de tribeerzo e á amabilidade da xente de rutas del bierzo.

Unha vez que me explicaron o percorrido pensei que o peor que me podería pasar sería unha mala pisada...a proba estaba ben organizada para ser todo "feito na casa" marcas cada 2 km, cruces sinalizados, pistas anchas, bebidas en meta...un ambiente xenial de xente que gosta de correr e partillar.

Como se pode ver no rexistro saiume bastante ben para como estou porque no tramo ese de subida cáseque fun andando...pero noutros din 'zapatilla' achegándome ós 4'/km...no tramo final pasei algo de medo de pisar mal.

O único que lamento e ter marchado antes da cea; pero é que me estaba a coller o frío e logo me decatei de que non quitara a camiseta coa que correra.

10 jun 2010

Alegre e con-lento

Ou sexa contento+lento.

O GPS quíxome xogar unha broma e toleou...pero a realidade é que corrín 1h 16' e fixen 16 km. (4':47")...eu saín todo alegre porque me puiden inscribir para a carreira nocturna do pajariel deste sábado pola noite..e as pernas nin as notei.

Mañan osteopata.

9 jun 2010

Natación: 100+1000 (19')... a verdade é que podía ter nadado na rúa...que xeito de chover¡¡¡

8 jun 2010

E será así xa sempre?

Sigo mooooi lento, pero correndo... hoxe disfrutei dunha desas saídas que me gustan porque chove miudo, a temperatura é moi boa e a terra está mollada o xusto.



Non fago boas medias e remato moi canso pero recuperome deseguida. Con estes ritmos non vou facer Toral nin en 4 horas.

6 jun 2010

Como en Olmo sen sair da casa

Aprendendo a sufrir...Saín a facer como si fora unha "segunda media" e claro agoteime pero ben.



A media de 5'/km o dí todo; o terreo, o cansanzo acumulado, a falta de almorzo...etc pero insisto que era para simular unha segunda media.

5 jun 2010

Ferreira de Pantón e novo chupete de powerade

Bueno, hai que aproveitar cando se pode, e eu hoxe quixen facer unha desas toladas de facer 2h de coche para correr 30'.

Fun a Ferreira e fixen ben, que alí había un ambiente xenial, unha temperatura estupenda e unha ruta marabillosa para compartir. Probei co Sportypal...



Supoño que teña 5" de mais no tempo, o resto está ben; gústame especialmente que subes a ruta á páxina e partillas de xeito inmediato, tamén me gusta a gráfica de velocidade/altitude (facendo clic en Vel e Alt)...fixen unha media de 4'22" pero tiven moitos tramos a 4'00" e topeime ben.

Tamén tiven ocasión de probar a nova boquilla do Powerade que é bastante mellor pois bota mais e sen necesidade de estar parando a deixar pasar aire.

Agora a estirar mais que sinon a osteopata me vai rifar.

3 jun 2010

Adaptación en tempos de calor.

Onte non puiden sair na bici pola mañan e pola tarde tiña unha cita e varios asuntos domesticos ata as 8... levamos ó gaiteiro ó ensaio e demos un paseo de hora e media por Columbrianos, Fuentesnuevas e volta por Compostilla ata Columbrinos...e se me ocurriu aproveitar que estaba coa ropa de ir á osteopata e dixen "eu volto correndo"..e alá que me viñen 8.7 km 40'...no solpor.

31 may 2010

Animándonos

Natación 100 + 1000(19') + 50

Coido que os 274 pts obtidos en Betanzos (a falta de confirmar) non van ser dabondo para a permanencia, así que; malía á reaparición da 'tensión' no xemelgo esquerdo (tendinite) vou tentar prepara-la Maraton de Toral eso si, para 4 horas.

30 may 2010

Betanzos 2010

Acudín á XIV media maraton "Volta á ría de Betanzos" coa intención de probar a resistencia das miñas articulacions e tendons e en busca de puntos que me deixen en primeira do circuito ainda que só sexa un ano mais.

Moi bó ambiente e meteoroloxía. 330 Inscritos e unha organización fantástica moi rodada e sen prepotencia de ningunha clase apoio loxístico do clube ciclista da vila, de protección civil e da G.C. postos de avitauallamento ben servidos, duchas, masaxe, xantar na meta. Todo estupendo.

Moitos coñecidos na saída entre eles alguns dos "magníficos" bercianos como Luis P., Basurko e Chus Alonso, vencedor da proba malia ó esforzo de Manute por celebrar o seu aniversario coa ansiada vitoria na proba.

Saín, como sempre, por riba das miñas posibilidades pero xa me decatei delo antes de enfrontar a costa de "A Angustia" nas que me tomaron estas fotos...suplicando polo seu final...




; logo fun atopando o meu paso sen fixarme noutra cousa pois nin levaba crono nin preguntaba nos pasos polos kilómetros; cardiopulmonarmente topeime moi ben e só tiña que ir mirando as sensacions das pernas, na subida a Pedrido pensei en apretar pero ó remata-la ponte xa me 'mordía' o menisco da esquerda e afrouxei...con tranquilidade seguin ó paso que a molestia me permitiu ata que, chegado ó km 15 desapareceu e voltei a botarme cara adiante, dende o 18 fun quen de ir incrementando o paso e cheguei ó 20 con clara sensación de "sobra" de xeito que botei un sprit na recta de meta.

1:37:28 a miña peor marca en media maratón, a miña maior alegria nunha carreira: Aínda podo correr.

29 may 2010

Limpeza axitada

Tras o rotúndo 'esito' da noite de onte...tocaba desintoxica-los pulmons.

Natación 100+1000

28 may 2010

Derradeiro test cara ó sufrimento

Saída de 1h e 15' ben salvo ó final que coa calor e a falta de costume tiven que baixar (si, aínda mais) o ritmo.

Logo, pola noite festa rachada e bailoteo...a ver si non parto nada.

26 may 2010

Outra hora

Sain outra hora...probando o SportyPal pero o GPS toleou... e non teño gañas de ver canto fixen pero non sería moito mais de 13,5 km.

As pernas no seu sitio, sen emocions e algo de cansanzo ó rematar pero pouca cousa.

24 may 2010

A Betanzos vou moi lentiño, vou trotando

Versión da canción do grande Pucho "A santiago voy".

Rodaxe de 1 hora. Lento todo semella ir ben, en canto quero apretar escomenza o baile de pezas na miña perna esquerda; que si o menisco, que si o xemelgo, que si o nocello...

23 may 2010

BiciChof

A mañan do domingo tiña que ser malia o cansanzo 'mental' non atopo outra explicación o certo é que fixen unha ruta xa moi coñecida e fun mais ou menos ben ata o kilómetro 35, logo petei e cheguei a casa tiritando cando había 28º fora.

45 km 1h40'

22 may 2010

Novamente matutino

Outra volta correndo cara ó choio... en 44' non foi gran cousa, pero prestoume e mais hoxe que non puiden ir á Ruta de la mencía (é que avisan mooooi tarde).

O resto da mañan o menisco queríame fastidiar, pero non lle deixei.

21 may 2010

Natación: 100+1000+4x100

Entre cruxidos, algunha estrana sensación e unha molestia nun tendón da perna dereita.

20 may 2010

Feito un 8

Hoxe fun á consulta dunha osteopata que me recomendou xente de confianza...

En resumo estou retorto e non como unha columna salomonica, que polo menos ficaría "lindo", senon coma un oito 8. Non deu feito moito porque non son quen de me relaxar, pero aínda así quedei algo moido e por precaución non fun nadar...

O mellor é que me dixo que si, que TODOS os problemas que teño son resultado das contínuas adaptacions de posición que fago ó correr e no choio (non esquecer que pasei de traballar de pé quieto a camiñar e logo a 'despacho-sprint'); en especial dixo que non tiven tantas roturas de fibras como pensaba senon unha inflamación do tendón. De tódolos xeitos seica podo seguir correndo mentres non teña molestias dese tipo e que as molestias meniscais van ser constantes así que "a jo... y 'auga'".






18 may 2010

Lento contento

Hoxe fixen un adestramento curto malía non saber si mañan vou a adestrar ou a viaxar...

8,5 km en 36'37" (4'18"). O Mellor, a falta de sensacions moi molestas nos xemelgos. O peor, que o menisco esquerdo volta a 'avisar'.

O certo é que si sigo adestrando podo mante-la esperanza de quedar en primeira con menos de 2000 puntos; esperanzas que pasan pola dupla Betanzos-Toral. Outra cousa será a vindeira tempada que me semella a min que a primeira se vai a poñer en 2500 puntos como mínimo.

Por certo, ata o luns si buscaba "liga atletica del bierzo" en google o primeiro resultado era... A miña entrada¡¡¡ hoxe xa sae a páxina do concello, menos mal.

17 may 2010

Natación 100+1000+4x100

Más de la liga atletica del bierzo

A la vuelta de este finde me enteré de la carrera de La Martina el viernes a la tarde...da igual porque a esa hora ya tenía que estar en Madrid, pero sí que gracias a ello dí, por fin, con la información "oficial" del tema; eso si, algo incompleta.


Sistema de puntuación:

* Por finalizar la prueba: 10 puntos
* Por batir record de la prueba: 25 puntos
* Del 1º al 50º: de 50 a 1 puntos

Pruebas puntuables para la Liga:

* III Media Maratón de montaña Monte Pajariel
* III Tebaida Berciana
* Ponferrada Camina: Cuatrovientos
* Ponferrada Camina: La Martina
* XV Travesía integral de los Montes Aquilianos
* ... etc

Organiza:

Escuela Municipal de Campo a través

Si se observa la ruta no es de extrañar que sea difícil de encontrar, lo raro es que ni el buscador de la web municipal la encontró. En fin, es el primer año; sólo queda mejorar...o no.

16 may 2010

Primeira hora e premio

Estreei o adestramento na casa de campo da capital, fixen 13km en 1h. O mellor foi non sentir molestias na perna e acadar o agasallo de Strands (mágoa non poder agardar á kedada).

O problema é que alí non hai onde ducharse nin pagando.

13 may 2010

A despacio e con precaución

Bueno, hoxe fun mais ó xeito pero podo dicir que non me mancou nada a perna nesta saída e que tampouco é gran cousa o que me manca agora... iso sí vou leeeeeento, pero contento.

11.5 km en 50'.

11 may 2010

Como as molestias foron a menos no canto de ir a mais e a chuvia torrencial deu paso a unha hora ben 'linda' decidín ir correr.

8,5 km en 37'50" (4'27") con algo de molestias pero ahi foi a cousa. Logo estirei "esaxeradamente" a ver que me dí a perna mañan.

10 may 2010

Desatascando

Xa dende o Sábado pola mañan, ó sair da guardia, me sentín algo cargado...onte pola tarde foime a peor e hoxe pola mañan estiven tusindo e esbirrando seguido e con sensación "camión" moderada. Tomei moita auga e flumil e...fun nadar.

100+1000+3x100

Algo me despexou, pero procurei andar abrigado que a neo-invernía esta é fastidiada.

9 may 2010

Ferreirúa 2010

Outra volta participei na proba desta parroquia afeita xa a dar un "master" en organización e motivación humana cada mes de Maio.

Corrín a proba curta por aquelo de que nin teño forma nin coido te-la perna en condicions e fixen ben; porque non houbera podido correr mais de 12 km...
Foi unha gozada falar con tanta xente coa que levo tanto tempo nesta "droga", xente do foro e xente que só lee ou nin eso. Todos coincidimos en que hoxe había que estar e, malía a ameaza meteorolóxica, que a organización voltou a se superar... tanto foi así que o tempo abriu e corremos gran parte da proba con sol.

As carreiras dos raparigos como sempre do mais agardado e do mais satisfactorio...hai futuro. Persoaxes ilustres como Pedro Nimo e o homenaxeado Alejandro Gómez e xente coñecida como Jesús B. ó que puiden darlle o pésame persoalmente polo pasamento do seu pai.

Non couallou entroques a necesaria lembranza tanto para Don Julián como para o compañeiro corredor falecido estes días atrás en Ourense.

Sairon os da media e boteime a quencer con moito medo, estirei...a cabeza do peroné facíame 'cóxegallas' e a cousa non pintaba ben. Concertación na saída e ¡veña que vai! arrincamos. Eu suave, tanto que o 1º foi o peor kilómetro (4'36") co xoenllo e o nocello vacilandome, nos tres seguintes decidín esforzarme un pouco e apreteime conquerindo facer a 4'05" os 3; logo xa non me puiden manter e seguín cun pasiño que tolerase a carga que xa sentía na perna esquerda. No 7 adiantame un grupiño e tento seguirlles o paso...co que acabei de estragarme; xa na costa do final apretei para ver di "rompia ou rachaba" e bueno, a perna non rompeu nin o músculo rachou, pero doer doeme e unha vez en frío coxeo ostensiblemente...fixen 41'09" polo meu crono a 4'25" que é o de menos, pero debo de me ir acostumando a eses ritmos.

Para mostra un boton...que mala cara e só iban 200 mts.


A ver si para o ano podo voltar á media....

6 may 2010

Dandolle voltas ó problema

Fun dar voltas no estadio a ese ritmo pausado que a perna e a baixa forma me permiten...19 voltas, 11 km en 50' (4'32")... e estirar ben e a esperar.

Coido que o domingo vou ir a Ferreirua... todo sexa por descender "con honor".

4 may 2010

3 may 2010

Estreando a piscina de O Barco

Fun facer xestions e a percurar esperanza e xa postos decidín probar; madialeva a instalación, que por fora non pinta nada ben para o meu gusto, por dentro... e o prezo: 1,50€ 1 hora con sauna no vestiario... ten pouco fondo, pero como eu non son un "saltón" pois dame igual.

Natacion: 100+1000+4x50

2 may 2010

Seguimos

Bueno, tras 1 semana "aguantando" os adestramentos para manter o anterior post 'no alto' seguimos.

Bicicleta: Ponferrada-Dehesas-Toral-Ponferrada 39,83 km 1h:25' (28,16 km/h)

Liga atletica del bierzo

Bueno, está claro que hay zonas que tienen sus características y por estos lares las características deben ser algunas señas de identidad poco o nada deseables, creo yo.

Lo cierto es que el 27 de Abril se presentó la "Liga atletica del bierzo" una competición de caracter comarcal que intenta crear un calendario único de pruebas (grandes pruebas) que incentive la participación en las mismas.

No menos cierto es que a esas alturas ya se habían corrido dos de las pruebas anunciadas (Pajariel y Tebaida berciana) y que no se anunció la prueba de Cuatrovientos hasta el mismo día 27 (ese día recibí el correo).

Por ningún lado he visto otra información que la enlazada, ninguno de los corredores blogueros (Maky, Palla, TRIBeerzo...) de la zona hace la más mínima referencia a esto en sus blogs...no hay NADA en la Web del ayuntamiento, ni en la del Consejo Comarcal ni en la de Rutas del bierzo (uno de sus miembros aparece en el vídeo)...yo me he enterado por un twitt de ebierzo que enlazaba la noticia de la carrera de cuatrovientos en la cual ya se hablaba de un problema de poca publicidad...

Yo creo que o se hace poca o se hace con un inegable atraso tecnológico... las pruebas ahora mismo hay que promocionarlas en las páginas de atletismo popular (o de montaña según el caso) y con antelación. Puede valer tambien la creación de una página en facebook y crear los diversos eventos de la liga dentro de ella, tener un twitter ayuda a la difusión rápida de noticias breves y a la recepción de comentarios y opiniones, un blog y un foro pueden ser herramientas de apoyo y seguro que en el bierzo hay gente con grandes conocimientos de informática más allá del nivel de usuario que te crean incluso una hermosa web con java o flash.

Hay que adaptase a los tiempos, las ideas buenas son buenas si las pueden "ver" como tales las personas a las que se dirigen.

EDICIÓN 9/5/2010
Informado, por la calle, de como va el tema (puntúan los 50 primeros de cada prueba en orden inverso: 50 al 1º, 49 al 2º...) sólo puedo añadir que supongo que el objetivo de esta liga es 'fidelizar' a atletas de "calidad"...para el resto "entrar en los puntos" como en la fórmula 1 será ya una meta...o no.