A punta do Iceberg...

Calquer actividade feita POR comparar, competir... ten tendencia a irsenos das mans. O deporte non ía ser menos.

Alguén podería pensar que falar agora é moi doado falar da xente que se engancha ó deporte popular por competitividade... e que eu debería estar caladiño pois durante un tempo me adiquei a fomentar "a participación" que remataba nesa competitividade mal entendida ou no enganche ó límite desmesurado.

Na Behobia San Sebastían; proba mitica para calquer popular da península e arredores faleceu un corredor (e van varios nestes anos) e catro están na UCI ademáis de unha ducia de feridos... Cousa da multitude? A xente se pide mais do que pode? Exceso de competitividade?

Non sei pero si a elo lle sumamos a falta de precaución da xente que se mete a facer deporte a partires de certa idade temos un cóctel explosivo polo que sospeito que eses incidentes graves non son mais ca punta dun iceberg de lesions e doenzas contraproducentes respecto ó que se quería conquerir facendo deporte... 

Por iso agora só fago exercicio e prefiro só compartir.

Outubro de dous tercios

Rematou Outubro con dous tercios dos obxectivos acadados mais coa sensación de que era imposible acada-lo 100%.

Natación: 20 km
Carreira: 109 km
Bicicleta: 51,62 km

Non foi a falta da cuberta dianteira o que me impediu acada-los 200 km na bici é un calendario ateigado de pequenas cousas nas que resulta complicado encaixar sesions de mais de hora e media... con todo conquerin facer 20 km nadando adaptándome ós horarios da piscina... pero non vai ser doado facelo moito porque nas mañans non sempre podo ir ás 15 h a nadar.

Septembro qué malo é non saber resignarse...

Estou levando tan mal esto do peche da piscina de arriba que ata me da frouxeira escribi-lo resumo mensual.

Normalmente en Septembro sempre afrouxo un pouco por mor dos días festivos na cidade e nas vilas que son importantes na miña vida pero esta vez igual foi "por de mais".

Nadei moi pouco porque unha vez pechada a piscina descuberta non conseguin artellar onde ir nadar nos días que tardou en abrir a piscina cuberta de abaixo; total para rematar indo a nadar e disfrutando delo onde sabía que tiña que ir: ó lago de Carucedo.

Na bici o normal do mes e correndo pode que ata algo mellor porque como non ia a nadar....

Bicicleta: 267,49 KM
Natación: 12,4 KM
Carrera: 86,98 KM

Outra volta mais 10 triatlons...

Outro Agosto mais remato o mes coas distancias equivalentes a ter feito 10 triatlons non me queixo nin de distancias nin de ritmos cecais algo das sensacions do xeonllo esquerdo pero é de esperar que evolucione a peor, mais; mentras a articulación ature...

Natación 17,8 KM en 10 saídas
Bicicleta 401,93 Km en 8 saídas
Carreira 110,2 Km en 10 saídas

Dobrei dous días pero descansei algún mais do que pensaba... pero foi por ben así que non me queixo.

Pasando o meridiano do desgate...

Remata Xullo; así nas cifras semellaría un mal mes e as molestias do xeonllo poderían xustificalo pero o certo é que non o sinto así. Seguin facendo de todo e engadín 2 países maís no meu mapa (Noruega e Finlandia) particular e un lugar "extremo" novo... o cabo norte.

Carreira 74.3 km
Bicicleta 54.8 km
Natación 15.2 km

Que mais ten? o caso é moverse.

Resumo dun Xuño reducido

Outro mes no buche... foi un pouco comprimido por mor dunha viaxe na que me arrepentín bastante de non leva-la roupa non polo kilómetros que tería feito senon pola singularidade de apuntarme esa cidade no mapa. Pero xa está feito.

Polo demais, pois ben; disfrutando sen agobios.

Carreira:70,09 Km
Natación: 16,3 km
Bicicleta: 130,17 km

O resumo de Maio no San Xoan

A miña vida é bastante sinxela mais porén nada aburrida e tal é o caso que para facer algunhas cousas novas teño que deixar outras... xa deixei de compartir cada adestramento polo blog porque non tiña sentido visto que (cumprindo co tópico) os podo compartir nas redes sociais de xeito automático e agora cáseque non teño tempo nin de face-lo resumo mensual; de feito si non fose por Club del paseo non o faría porque é un pouco pesado recabar os subtotais... e para seren sinceiro prefiro saír a facer algo que sentarme a escribi-lo feito no mes.

Maio non foi malo en vista dos días que tiven que ir fora (de feito levei a roupa de correr e voltei a correr en Valladolid -3 días- e me estrenei en Murcia) e as cousas nas que me vou metendo. As molestias da edade mais eu chegamos a un acordo: Eu non me paso e elas me deixan ir facendo.

Natación: 20,6 km
Correteo: 71,5 km
Bicicleta: 164,54 km

O roubado de Abril

Rematou o mes das mil augas... non me foi mal. O meu corpo xa non é o que era e non dou moito mais de min, pero sigo facendo exercicio e de cando en vez... pois o disfruto.

Carreira: 92,7 km
Bicicleta: 177,1 km
Natación: 21,9 km

Decindo adeus a Marzo con alegría

Outro mes mais de decadencia e loita.

Ate a natación me foi difícil nos derradeiros días por problemas coas lentes... Correndo seguimos coa rutina de 10 km un día e dous de "reposo" co xeonllo algo hinchado.

Natación 23.7 Km en 12 chapuzons
Carreira  86.23 Km en 9 saídas

Curto mes da decadencia

Aquí seguimos cos problemas de menisco esquerdo que non me permite correr mais de 10 km... fago algo de ximnasio para reforza-los músculos da perna a ver si imos resistindo.

Natación: 22.5 km en 11 sesions
Carreria: 28.4 km en 3 sesions

Empezando mal

Bueno, eu tentei de facer como que non ia comigo pero o meu xeonllo esquerdo é teimudo e non me deixa ignoralo así que a final de mes decidín darlle un alento e aproveitando as obras na piscina escomenceei no ximnasio coa inestimable axuda e compaña da moza.

Carreira: 77,4 km en 7 saídas
Natación: 23 km en en 11 chapuzons.

A ver que pasa no tempo dun mes...

2014 o ano no que empecei a facer exercicio

Os problemas ó lonxe... mellor.

Vaise xa 2014... si tivese na mente o marco de referencia anterior diría que foi un desastre pero visto dende a actual perspectiva non teño mais queixa que as dores articulares que me acompañan cando me entusiasmo e quero "apretar".

Non o pensara, xurdiu así e coido que é a evolución natural de algo que se iniciou a finais de 2012... e froito das perdas que foron mermando os motivos para pasar cada fin de semana que podía por Galicia adiante correndo e visitando... simplemente sin motivo para a viaxe o participar en probas deixou de ser necesario.

E tal foi así que ata Agosto non me percatei de que nin tiña ansia de mira-lo calendario para "programar" probas... logo estivo o tema da obriga de inscripción previa... como me vou a inscribir si non sei si vou a ir? e a ecuación resolveuse: Xa non preciso participar porque non fago deporte; fago exercicio.

Supoño que voltarei a participar; teño un compromiso cun amigo e seguro que xorde algún mais... pero será xa irreversiblemente outra cousa... e nin mellor nin peor; simplemente outro xeito de disfrutar.

ahh o resumo da actividade de 2014 xa completo:

Corretear: 1203,3 Km
Pedalear: 814,38 Km
Chapotear: 218,97 Km

Novembro amargo

Remata-lo mes do cumpreanos deixando de participar na Dragonte non é triste de por sí e menos si o fas para poder correr perto do mar... o problema é ter tantas molestias i é que de cada 4 días que corro só disfruto un e ben se pode apreciar nas medias. Os xeonllos e nocellos non dan para mais e tamén o calzado influe nesa sensación.

Carreira 135,8 km en 13 sesions
Natación 15,15 km en 8 sesions

En fin, agora en decembro aproveitar a nadar ata o 20 que logo non se sabe qué pode pasar coa piscina...

Resumo dun Veroño en outubro

Veu este mes con tan boa temperatura que do que mais me arrepinto e de non ter collido a bici... pero xa non hai volta atrás.

Carreira 117,83 km en 10 sesions
Natación 23,15 km en 12 sesions

Nadando vou ben, aguanto os 2 km sen despeitearme... correndo teño días que vou como un foguete pero outros nos que as atriculacions... en fin, se fai o que se pode.

Septembro mes do mundial

Remata Septembro o mes do mundial de ciclismo; coido que o evento mais notable desta cidade nesta nos 10 anos derradeiros... pero vivido a media distancia por mor das circunstancias laborais, familiares e meteorolóxicas.

Bicicleta: 264,22 Km en 4 sesions
Carreira: 109,45 Km en 9 sesions
Natación: 13,47 Km en 8 sesions

21 sesions en 30 días... pois iso... algún problema físico (sobor de todo tras correr) pero o mais é que non cadraron ben as cousas.

O mes dos 10 triatlons

Non, non participei en 10 triatlons... e non houbera podido... pero, certo que sin propormo ó principio do mes, realicei os km correspondentes.

Natación (1,5 x 10 = 15km) fixen 15,95 km en 9 sesions... unha gozada ter a piscina de 50 mts só para min... ou case.
Bicicleta (40 x 10 = 400km) fixen 413,74 km en 9 sesions... de menos a mais... porque a meteo tamén acompañou... ata hoxe.
Carreira (10 x 10 = 100km) fixen 101,45 km en 10 sesions... sego cos meus achaques e non vexo opción a correr mais ou mais rápido.

Diploma rescatado do naufraxio... a miña primeria media maratón
Volta á ría de 1990... 

O afundimento...

Rematou xullo, mal mes; o peor en todos estes anos...

O día 2 fun correndo a currar e ademais do problema do xeonllo escomencei a ter unha dor tremenda no pé esquerdo na inserción dos extensores dos dedos... rematei como puiden pero xa decidín non correr ata a volta das vacacions.

Nadando... pois fixen 15,8 km sen problemas en ... mágoa de interrupción vacacional porque andaba xa nos 2,5 km a bó ritmo...

O derradeiro día saín na bici... por completar 35 km a 27 km/h nin ben nin mal...

Agora a tratar de escomenzar de novo e si non hai sorte, poñer outras solucions.

O final do principio...

Vai medio ano, só medio ano pero xa rematan moitas cousas... o xeonllo esquerdo non me deixa correr mais e eso me ten bastante amargado e si á volta das vacacions segue molestandome e hinchando tras cada sesión terei que pensar en facer algo mais que reposar... non fun quen de coller a bici, demasiados asuntos de toda índole... tampouco collín azos para participar nunha postrera proba para o circuito correr en galicia e iso me pon algo nostálxico...

Natación: 21,7 km en 11 sesions
Carreira: 153,21 km  en 12 sesions

Maio maio...

Ahí seguimos facendo o que nos deixan as articulacions cun soriso e unha canción...

Desta volta coa ledicia de voltar a nadar no mar e nada menos que estreando o mediterráneo...

Correteo: 143,68 km en 12 sesions

Chapoteo: 25,1 km en 14 sesions

Resumo dun Abril de problemas mil

Este mes non foi nada como eu esperaba e mira que me esforcei pero as condicions do meu xeonllo esquerdo e os compromisos das historias nas que me meto non fixeron mais que por novas barreiras no camiño.

Duas veces tiven hinchado o xeonllo por mor do menisco de marras... teño a impresión de que non remato o ano sen voltar a pasar polo coitelo.

Correteo: 13 sesións 121,2 km
Natación: 8 sesions 13,9 km
Bicicleta: 3 sesions 119,2 km

Un marzo marzán.. a melloría nin ven nin vai

Remata Marzo... sigo nunha incognita... xa semella que podo correr... aproveitei un claro no ceo para sair na bici pero xusto cando empezaba a facer callo voltou o inverno... nadando notei a gripe ou o que fora que me deu dempois do entroido e a alerxia que me veu logo coa calor (en total estiven 10 días sen adestrar no mes).
Para rematar xa se recolocaron os nomes no circuito de correr en galicia e está claro que si non descendo este ano para o que ven non me libra nin o tato.

Natación: 16,1 km en 10 sesions
Carreira: 76,38 km en 8 sesions
Bicicleta: 71,48 km en 2 sesions

Resumo dun problemático Febreiro

Febreiro seguiu a ser un mes con problemas... a lesión esa non acaba de da-la faciana de si vai o ven... e por riba o Sporty Pal deixou de enlazar co twitter e un día toleou co GPS...

Natación: 23, 6 km (novo record nun mes e iso que é o mais curto) en 13 sesions
Carreira: 62,7 km en 7 sesions

O peor é seguir sen obxectivo e nin ter gañas de plantearmo.

Mes un, un mal mes

Este Xaneiro ven de ser o peor no que lembro... e a cousa non pinta ben...

Carreira: 33,5 km en 4 sesión e a ritmos... bueno, os que se poden.
Natación: 19,2 km en 11 sesions e tampouco me foi moi aló...

O que mais me fastidiou foi non poder ir a Rábade... que ia sempre...

Por falar

Se antes o digo antes me pasa... só quería ter unha tempada como a pasada... pero non puido ser... a molestia que sentín no biceps femoral esquerdo incrementouse e cáseque ata me molesta na vida diaria... tocará esperar un pouco tampouco me ven mal sempre que non pase mais de 1 semana parado... logo teño tempo de prepara-la media de Coruña antes da "pausa entroideira"

Resumo dobre

O mes de Decembro escomenzou con unha estupenda participación na Media Maratón Adolfo Ros "Volta á ría de Ferrol" na que conquerin baixar de hora e media e, o mellor, rematei con moi boas sensacións. Sendo así e como sabemos que as progresións infinitas non existen nin trae boas consecuencias seguir a ritmos altos (para un) fomos diminuindo as distancias e os ritmos para facer a 'pausa invernal'.

O mes tivo como cifras:
158,81 km de carreira de kan en 14 sesions coa media mais alta de todo o ano (13,29 km/h) e 16,81 km de chapoteo en 13 sesions.

Mais complicado é face-lo resumo anual; Participacions:

Media Maratón:
*Viana do Castelo: 1h 33'18"
*Carballiño: 1 h 33'59"
*Ferreirua: 1h 34'
*Petín: 1h 38'19"
*Volta á ría: 1h 29' 07"

Outras probas:
Monforte (7,1 km) 29'
Beiras do sil (19,3 km) 1h 31'
Pedestre (13 km) 50'15"
San Martiño (10 km) 40'42"
Dargonte (8,4 km) 45'16"

En totais:

Carreira: 2042 km (ver gráfico 1)
Natación: 194,3 km (ver gráfico 2)
Ciclismo: 342,25 Km (só en febreiro e Septembro)



Grafico 1

Grafico 2

2014 vai ser diferente porque a principal escusa para viaxar ás carreiras era pasar a visitar á miña nai en Lalín... pero na familia non nos falta capacidade de adaptación así que trataremos de seguir participando e cecais poda arranxar a falta de adestramento en bicicleta e a participación nun triatlón.

MM Volta á ría de Ferrol 2013

Foi una boa idea teimar de ir a esta proba tiña eu esas boas sensacions deste mes pasado e quería saber ata onde podía chegar aínda que o venres me pasei de festa e o sábado tiven unha boa resaca...

Gran ambiente na saída o de facer carreira para nenos sen dúbida fai que haxa mais xente... a entrega de dorsais ben organizada e con tempo dabondo.

Coloqueime regular e cecais me veu ben para non tolear de inicio; fun ben acompañado na ponte das pías tratando de non cegarme e de coidarme do vento (que non era para nada o de outros anos pero o medo é libre). A primeira boa nova veu ó remata-la ponte e ver que seguíamos directos cara a praza de castela... evitando a terrible costa do centro de Ferrol.

Atravesamos Narón con bó ritmo... pasei o km 10 en 40':40" sen decatarme... Hai que decir que non corrín co crono nin fun preguntando os tempos... só trataba de encontrar xente con ritmos que puidese levar.



Cruzando as Pías

O final de Narón tiven unha pequeña baixada que me influiu na primeira costa de Neda sorte que levaba a don Amador que si mantivo o ritmo...

 

Foi por alí cando decidín: "ou rompe ou racha" e me decidín a apretar cunha xente que me adiantaba... aguantei ata o 17 con eles e foime moi bó... a esas alturas veía posible a miragre e no km 20 perguntei o tempo... xusto a unha persoa que non levaba cronómetro... dixome a hora e calculei... ahí, ahí... e lanzeime con moito ánimo.

 

 

Cando daba a curva de acceso a meta non podía sabe-lo tempo pero estaba decido a chegar esprintando... entrei na meta e mirei o crono...1hxx' 57" (lembreime de para qué son as gafas)... e víñenme un pouco abaixo... seguín... voltei a mirar 1h 29' 00" e escomencei a dar choutos e a bailar ó son dos gaiteiros... Entrei berrando: AÍNDA PODO¡¡¡

 

Segundo ChampiónChip fixen posto 163 (de 876)  e 1h 29' 07" (1h 28' 56" netos).

 

Un resumo resacoso

Remata Novembro sen facen ren hoxe por mor dunha festa onte... en fin

Natación: 21,45 km en 22 sesions
Carreira: 167,44 km en 14 sesions

Semellan poucos km si os comparamos cos de meses anteriores, mais as boas sensacions xerais demostradas ademáis nas dúas participacions do mes o fan un mes completiño.

Unha volta mais... Dragonte

O Castelo á dereita, Dragonte aló no alto...

E por fin voltou a conxunción astral a funcionar e cadrou que puiden ir ó asalto que cada ano nos propón Miguel M Basurko.

Fotokedada

Fixo un día perfecto para a carreira; disfrutei moito da previa pola cantidade de amig@s que atopei e logo pois tamén disfrutei o que puiden dunha dura proba.










Moi satisfeito no tema de rendemento pois aínda que na ascensión me levou 15" mais que vai 2 anos no total da proba o fixen en 35" menos que daquela (Dragomán 2010) e iso que este ano pouco andiven na bici e non fixen esas terribles series pola avenida do bierzo (costa de 500 mts).

Resultados 2010
Resultado 2013

Había unha grande festa...

Disfrutamos moito da paisaxe na baixada....

San Martiño 2013 con manguitos e ó tolo...

Boteime ás rúas de Ourense con outras 4551 persoas nunha mañan de outono fermosa e non moi fría pero polo menos para quencer puxen os manguitos... Por primeira vez en moito tempo (dende a maratón de Sevilla e por 1º vez en Galicia) empreguei o servizo de gardaroupa o que me obrigou a estar os derradeiros 20' coa mínima ropa (a de correr e una camiseta "de tirar") polo que me fun pronto para a saída pois é sabido que entre a xente se ten menos frío.

Non as tiña todas comigo, pero saín ó que  daba e pronto fun facendo grupeta cunha xente... sabía que ía rápido de mais para min pero pensei que coa de público que había e o que animaban ben pagaba a pena reventar no km 4 ou 5 total entre 45 e 47 minutos tanto me daba... a mente estaba concentrada en mante-lo ritmo costa arriba e alonga-la zancada costa abaixo e face-lo percorrido mais preciso posible. Entre o km 5 e o 6 non fun tan ben como podía pero logo saquei algo de alento dun compañeiro que me dixo en qué tempo iamos... disfrutei moito do último tramo (este da foto).

Foto Alexha Pires

Total 555 de 4552 en 40'42" A carreira popular con mais participantes chegados á meta en Galicia; ahí non é nada.

O resultado foi una proba superior á do ano anterior (2') e con moi boas sensacions...

Comparación 2012 - 2013

Resumo de Outubro

No cuantitativo

162 km correndo en 14 sesions.
16.2 km nadados en 10 sesions.

No cualitativo... pois semella que vou collendo algo de forma e á proba delo foi a pedestre.

O problema é estaren sen obxectivo.... así a motivación desaparece e só queda a preocupación pola saúde... ou non...