Calado

Pois iso, tras 4 días enfermo con non sei si gripe ou viriasis gastrointestinal hoxe decidinme a saír a trotar e cáseque me quedo no camiño da tremenda páxara que me deu... moito me temo que así non vou poder correr en Lalín o domingo.

7 km 35'

Con gañas mais sen forzas

Hoxe NECESITABA correr ainda que non fun... tería escusas tipo non ter durmido ben, algo do stress do día, o xantar pesado, a molestia da coxa dereita... qué tanto ten? non fun, pero o fixen e o disfrutei malia a paupérrima media.

11 km 51'

A vontade, conta como esforzo?

Esgotado anímicamente polas emocions fun nadar... 150 + 1100 cáseque me sentín fresco co cansanzo físico.

Matutino desconcentrado

Hoxe día de "invitación" saquei azos para porme a roupa, pero non puiden facer moito mais... andiven pensando en biosbardos estranos... porque non vivimos aillados do que nos arrodea.

9.5 km 44'34"

Reordenando a axenda... ou non

Bueno, o caso é que non sabía ben qué facer hoxe e mais tra-las malas sensacions de onte Pero veu un acontecemento previsto pero non desexado novamente e decidín dar hoxe unha carreirña de mínimos para non perde-lo costume.

8 km en 37'14" O SportyPal segue a pasalo moi mal coa néboa e non acaba de atina-lo pobre.

Rábade 2012

Hoxe animeime a ir a Rábade a participar no memorial Eduardo Fernández Villamarín... non tiven boas sensacions e podería por escusas miles, pero non fun como debo e punto.

A distancia non eran 7 km pero tampouco os 5.6 que marcou o SportyPal ó rematar... o que fora o fixen en 28'23" para facer 156 de 374 inscritos (oficialmente foron 6733 mts a 4'15") o caso é que non disfrutei tanto como noutras ocasions o que é unha mágoa porque iso de ir correr con outra xente o fago por disfrutar que deporte xa fago dabondo eu só.

Nadar e gardar

Cumprindo coas rutinas fun nadar antes dunha proba:

150 + 1250 a coxa dereita algo molesta aínda danto patada na auga mais non penso facerlle caso...

Incógnita

Fun correr 1h 7' pero o SportyPal toleou e non paga a pena gardar esta sesión... baixei dende a casa e dín dúas voltas no parque da torre e voltei.

Estourido inoportuno

Bueno, agora semella que non foi nada, pero levei unha impresión caralluda... O certo é que fixen unha saída xeitosa de 11.7 km en 53'22" pero que tiña intención de facer mais para ir collendo fondo e tal pero como ós 8 km sentín un estourido no xeonllo esquerdo que me fixo temer o peor, pero seguín sin contratempos. Agora a esperar a mañan a ver si hai derrame ou non.

Punto de partida?

Hoxe voltei á actividade tras unha pausa que por esperada non foi menos súpeta e dolorosa.

10.85 km 48'50"

Auga de venres

Venres, antes de unha outra molladura.

150 + 1400

Conservado... en frio.

Case me esquezo de meter este adestramento... papeivos unha friaxe...

Non entendo porqué facendo a mesma ruta hai cáseque 500 metros de diferencia... o estrano mundo do GPS.

En fin desta foron 11.6 km en 53'34"

Auga, néboa e sol

Hoxe tocaba natación 150 + 1200

De camiño á piscina o frio xeoume os pantalons, cando saimos o sol asomou e tivemos un paseo prestoso de volta.

Luar de inverno

Outra de cara a un día "invitado"... non me queixo, coidei que ia mais a modo, fun co frontal apagado porque coa néboa a luz reflexábaseme diante dos ollos en troques sen o frontal via perfectamente... co luar.

9.5 km 43'49"

Humidade fora da molladura

Natación 150 + 1400

Coido que vou tardar tempo en supera-lo atranco de non poder participar na Maratón de A Coruña por problemas de axenda.... é unha leria pero hai que se adaptar. Agora teño que fixarme outro obxectivo e ir por él.

O mesmo sen páxaros

Fixen o mesmo percorrido que antonte pero sen os páxaros na cabeza e no estómago... fun mellor de sensacions pero o SportyPal nin se deu por enterado...

12 km 53'

Primeira páxara do 12

Día 3 de 3 saío a fume de carozo porque logo teño compromisos sociais... e collo unha bonita páxara... para mais INRI o SportyPal tolea...

12 km en 54'

Natación nova na auga vella

collín con gañas 2012...

150+1100 con boas sensacions

Comenzado 2012 con enerxía

Hala, que xa me vin entrando na meta da 10ª maratón.... foi como un soño pero xa está decidido así que a por ela.

Hoxe saín percurando un "control de danos" das comidas destes días.

8.2 km en 36'25"  As pernas responderon ben así que hai que seguir.

Rematando o ano con ilusión

Hoxe tiven a sorte de comparti-lo remate de 2011 coa xente de TROTADAS e outras compañas vidas dende lonxe... nin a distancia nin o tempo importa, importa a ilusión e os proxectos para o ano que, en nada se inicia.

Foto por cortesia de Trotadas de Valdeorras

A penúltima

Non me gusta dicir que unha ocasión é a derradeira...

Hoxe foi a penúltima sesión de 2011... non foi mal ano neste aspecto aínda que a lesión de Marzo a fun arrastrando ata ben entrado Outubro pero hei de recoñecelo, fun eu quen o buscou por non descansar tra-la maratón.

Kilometros rexistrados no SportyPal de carreira a pé no 2011

Hoxe suaviño 1h 6' 14.5 km con boa media e sorpresas agradables no camiño.

Auga apresurada...

Sego coa "aterraxe controlada" hoxe 150 + 1000 de auga... de menos a mais sen forzar concentrado en respirar e poder ver entre as bágoas.

Entre a cintillada

Madrugada dun frío día de néboa... Tª -4Cº ... o xeo que frota fantasmalmente e se deposita en cada folla, rama e obxeto da vía pública forma como unha película de luz en cada borde... hai unha claridade desacougante e o trazo de luz do frontal faime incómodo ve-lo camiño... a cintillada (seica así se chama por eiquí á néboa xeada) évos un espectáculo si non se está a pasar frio.

A min tocoume hoxe pasala correndo camiño do curro... 9.5 km en 44' non foi bó tempo pero sentinme ben e, que carafio, non estou a preparar nada así que é só por non perde-la forma.

Facendo sitio e disfrutando

Hoxe saín trotar apenas media hora pola alameda compostelá na compaña do meu sobriño maior... foi unha gozada, en Compostela ia un día radiante e eu sentínme moi feliz de ir alí a correr tan ben acompañado. Non activei o SportyPal pois era un día de vacacions e só saimos a facerlle sitio ó xantar tras unha cea opipara.

Auga de inverno

Entrou o solsticio de inverno e sego facendo a "parada ordenada" sen atrancos...

150 + 1100

Aterraxe suave

Cando as vacas engordaban nos andamios das obras había quen falabamos de preparar unha aterraxe suave da economía... aquelo non saiu ben, pero eu sego aplicando o mesmo principio así que estes días ata finais de xaneiro toca ir calmando e alixeirando; face-lo xusto para non porse como unha bola.

Hoxe 11.7 km en 55' Dempois de todo teño a sorte de facelo así porque me peta e non porque unha lesión me obrigue.

Nadando ó quente

Uns longos para recupera-las pernas e a calor.

150 + 1100

Rachando a muralla de néboa

Bueno, outra Lugo Monumental para o bote este ano co troco de circuito e o tema do xeonllo este que fai de galego (non sei si vai ou ven) non sabía como ía a saír a cousa pero non me queixo nada; só fun 2" mais lento por km que a pasada edición.

Fixen un quencemento lixeiro e logo fun rematalo na zona de saída, como me tocou caixón laranxa quixen aproveitalo e metinme pronto pero non me fixo falta camiseta de tirar pois malía á néboa o frio non era tanto como pensara. Saín algo atolondrado porque o mobil tardou en coller-la saída pero non perdín o tempo; pasei a marca do 1º km en 3'48" (cousa que non fago dende vai 1 ano polo menos) eso animoume a seguir apretandome o que puidese e fun tirando sen desesperar sempre por baixo dos 4'/km ata a marca do km 6 (23' 58") logo tentei conservarme para a muralla e non me saiu mal pois é o único verdadeiramente comparable coas pasadas edicions e saiume en 2" mais (9'50" este ano e 9'48" o pasado) e iso que ó principio me notei moi canso.

O posto foi bó (30 mellor que o ano pasado) supoño que niso se notou que había outras 3 probas moi boas ( MM Adolfo-Ros, Boiro e San Cibrao) e non me manquei polo que esta tempada remato o 1º tercio do circuito cáseque cos mesmos puntos que a pasada edición e tamén coas mesmas esperanzas de permanencia.

O sportypal vale para mira-los ritmos de carreira (salvo nas curvas pechadas) o tempo oficial foi de 39'57"

Decidindo

Hoxe rodaxe sereo sen prisas probando a pisada e ese xeonllo que tanto me porcula.

13.6 km en 1h 3'  Apretando ó final sobre o cemento da zona do estadio; algunha pisada na herba me mancou pero penso que nada grave; o domingo Lugo a polos 45' e uns puntiños que virán ben para tenta-la permanencia.

Natación tranquilizadora

Volta a un auga fría... non estivo mal.

150 + 1100