Nadando corta distancia

Hoxe tocaba chapuzón... pero a radio púxome ó día sobre a proba "Batalla de Rande" na que se cruza DE VERDADE a ría de Vigo de Cies a San Simón co tremendo reto de 27 kilometros a nado, as correntes da ría e do estreito e a fría auga do mar vigués...

Eu coñezo a dous participantes, Basurco e Jecarqui (Jesus Carlos de Esprinters) espero que os dous acaden semellante proeza pola miña banda adícome á curta distancia diaria...

150 + 1250

Rodaxe cara a ningures

Salvo que ocurra unha eventualidade e me desprace a Compostela á segunda do CorreSan (a do casco vello) semella que estou a adestrar para a galería... ou para rodar pola sabana... Quen sabe?

Hoxe o mesmo que antonte pero mellor, mellores sensacións e, sin facer un grande esforzo (a falta de motivación nótase) un mellor tempo e iso que por vez primeira o GPS do iPhone fallou e moito Igual tivo que ver ese segundo de mais que tuvo o día...

11km 46'26"

Outra de auga ollando pola fiestra

Hoxe fun nadar á piscina pensando no bó día que facía para ter ido correr ou na bici ou sequera ir nadar "en aberto"...

150 + 1500

Queimado e arrastrado

A torrada de onte na praia semella que a vou pagar unha boa tempada...

Hoxe, ademais estaba canso pola tensión pero tiven a vontade de sair que é o importante.

11km 52'

semella

Unha de augas abertas

Cadrou así e aproveiteino. Sin telo pensado marchamos a Miño e hala alí me botei a nadar... a auga estaba superboa e dou gusto facer os 1000 metros.

3000 puntos, boas vibracions e algun atrancos

Un resumo do circuito "correr en Galicia" 2011 - 2012

Onte desenvolveronse as 3 derradeiras probas puntuables para esta edición do circuito galego de carreiras populares "Correr en Galicia" e coido que por unha vez vou facer balanzo e a mollarme de xeito persoal neste espazo.

Foron 151 probas dispoñibles e ben puideron ser unhas cantas mais de non mediar malos entendidos ou simple descoñecemento e debo destacar que viñamos de 125 probas na edición 2010-2011 e das 79 de 2009 - 2010 (que empezou en Novembro) polo que a mellora é sustancial na cantidade.

Tamén nos inscritos medrou a participación pois dende os 473 da tempada 2009-2010, e os 619 da 2010-2011 saltamos ós 784 nesta xeira.

Pero para as estatísticas haberá o seu espazo e intre; eu agora quero agradecer tódalas boas vibracions que me trasmitiu tanta e tanta xente nas probas nas que participei... a retroalimentación positiva é o que anima a seguir pero as críticas constructivas son as que permiten mellorar e neste aspecto hai que destacar que algunhas medidas tomadas non acabaron de gustar porque as solucions propostas para evitar 'picardías' falseou en certa medida a visión certa da clasificación en cada intre.

Logo está o tema de sempre de si o fomento da participación en probas populares se convirte en "hiperparticipación" e si somos ou non responsables ou cómplices de conductas tan pouco sans como o sedentarismo que tratamos de remediar... e o tema de si "é ou non é" correr facer un trail... ou si unha proba de mais de 42 km é contraproducente... Tantas e tantas precisions como persoas pois todos vemos o mundo polos nosos ollos.

Pero mantemo-la esencia: Participación aberta tanto a todo tipo de proba como de corredor, Motivación para tod@s con clasificacions variadas, escoita activa dos usuarios e varios e variados canles de comunicación.

Agora uns días mais de recibir resultados (ata mediados de Agosto) e para as mesmas datas definición final da tempada que ven e apertura de inscripcions para escomenzar novamente en Septembro.

Auga antes de chuvia

Amenazaba chover e fomos nadar...

150 + 50 + 1000 + 100 + (7x100 rec 25) Como sempre nas series funme atopando mellor cantas mais facía.

A carreira do cangrexo

Esa foi a miña hoxe saín a facer trocos e tardei mais que si fixera o adestramento normal...

11 km 49'

Por problemas de axenda non puiden nin ir hoxe a Carracedelo á ruta de la fruta nin poderei ir mañan a compostela ó CorreSan para darlle unha despedida como se merece ó circuito.

Contra a calor... madrugar

Hay que ir facendo ainda que sexa pola fresca.

9.5 km 45' Mirando a comparación co pasado venres a única explicación a atopo nun pequeno tramo en torno ós kms 3- 4 no que debín "ir pensando"... en fin, que aproveitei o día.

Auga no deserto

Hoxe vese perfectamente no aire a mancha de terra do sahara... e a calor... fun nadar a cuberto.

50 (un erro) + 1450 (un exceso).

Caldo ou auga?

A cousa da calor pinta mal para min... e escollín auga antes de rematar feito caldo.

150 + 1200

Sendas do sil 2012

Foto cortesía de Xosé M Álvarez

Achegueime a Valdeorras a disfrutar dunha mañan fabulosa na compaña de un bó feixe de xente disposta a facer bó o esforzo dunha organización moi voluntariosa pero algo inexperta nunha proba cun percorrido ben imaxinado e moi fermoso.

A proba foi unha gozada para mín pois pensei estar moito peor pero non sei si sería pola compaña ou pola configuración do terreo sain ben contento de alí.

Foron 20.5 km en 1h 35' para o sporty pal (25 de 84 chegados segundo a clasificación oficial)

Un cuarto de auga

Como mañan vou gozar das beiras do sil hoxe só fixen un pouco de auga...

150 + 1200

A mañanciña mais curta

Hoxe tocaba ir cedo... foi moi agradable e por riba sin eu propormo saiu moito mellor do que esperaba.

9.5 km 43'57"

Nadando no solpor

Non tiña claro canto debía nadar hoxe pero deixeime ir... e polo meno disfruteino.

150+1450

Peor para mellorar

Hoxe saín tratar de facer uns trocos entre a choiva animicamente mellorei e as pernas non me mancaron, só molestaron mais fixen os peores tempos nesa ruta..

11 km 50'

Aplacado por auga

Ás veces é moi doado ver que o deporte é un "remedio" para o stress da vida urbana común e para a acumulación de conflitos non resolubles doadamente.

150 + 1550

Confiado recoñecendo o terreo entre a nostalxia e a envexa

Hoxe correse a MARATÓN así con maiúsculas para min: Toral de los vados. Pero non estou para tanto e menos dempois de sair (un pouco) onte. Conformome coa lembranza.

En troques de ir a amarrar uns puntiños a Lugo deume por sair a recoñece-lo terreo da Media do domingo que vén (Sendas do sil) que é moi chan e ten moita sombra pero que haberá que ter coidado co estreito do camiño.

15.6 km 1h 16' Hoxe o ritmo era o de menos o que me preocupa é a diferenza no track....

Cando hai corrente...

Hoxe semellaba que nadaba a favor da corrente e aproveitei.

150 + 1600

Pequeno charco cecais

Hoxe nadei pensando no verán; dadas as datas de viaxe e a meteoroloxía prevista non paga a pena ningún bono de natación... haberá que ir algún pequeno charco cercano si apreta a calor.

150 + 1100

REinVENTAnDOme

Pois eso, cousas de axenda e reventado polo cansanzo e a calor...

13 km en 1h 3'

E vou que chuto

Outra volta tentando facer trocos sen moito éxito...

10.8 km en 48'

Boa onda

Hoxe tiña gañas e rabia que botar fora... E iso que me sei afortunado, pero non me gustan nada as desgracias alleas.

150 + 1500

Trotada de domingo

Hoxe había que ir rodar un rato... disfruteino malia que un vello coñecido que me crucei me lembrou os kilos que levo gañados...

17,6 km 1h22'

Cando o deporte cumpre

Facer deporte por rendemento económico é tremendamente duro e reservados xente con condicions e adestramento. Para o resto o deporte é unha vía de escape e de mellora ou mantemento do estado de saúde e si un pode Facenlo disfrutando mellor que mellor como foi o caso de hoxe... Natación 150+1250

Unha de mañanciña

Bueno hoxe estaba invitado... e viñen a trote...

9.5 km 44'

Probando trocos

Semellaba que estaba mellor de ánimo e que non ia tanta calor así que tentei probar cuns trocos a ver si reventaba xa o xeonllo esquerdo ou qué...

11 km 49' Os trocos non me sairon moi aló... e vexo que os ritmos non foron sostidos Qué se pode esperar tras tanto tempo sen traballar ren?

Refresco na auga

A calor esta é moi fastidiada polos tremendos trocos de temperatura... o sábado non pasamos de 23º e hoxe voltamos ós 30...

150 + 1250

Recuperando o alento no ánimo

Tiña que sair a disfrutar porque o de onte non foi para nada o que eu quero cando vou correr... e conseguínno.

13.5 km en 1h 3'

Collendo páxaron en Ferreira de pantón

Pois como era a proba que mais perto tiña aló me fun a Ferreira de Pantón a ver si saia deste marasmo no que está o meu corpo...

Moi bó ambiente e boa organización. Carreira sube-baixa cun tramo de senda e outros superficie de empedrada. Saín demasiado apurado porque non conseguin arraca-lo crono no disparo... e logo xa non fun quen de tranquilizarme... e rebentei como unha castaña logo só fun pensando en rematar, respirando e tentando non estorbar.

Tal é así que debe se-la primeira proba na que acabo da mitade cara atrás.

93 de 163 chegados 6.2 km en 27'46" (4'29")

A ver mañan cómo me atopo para seguir adestrando...